აკაკი ძნელაძე და ჯემალ სურმანიძე განათლების მინისტრის მოადგილეებად დანიშნეს


აჭარის უმაღლესი საბჭოს ყოფილი წევრი „ქართული ოცნებიდან“ აკაკი ძნელაძე, აჭარის განათლების კულტურის და სპორტის მინისტრის მოადგილედ დანიშნეს. ის წინა მოწვევის უმაღლეს საბჭოში ფრაქცია „ქართული ოცნება – თავისუფლების“ თავმჯდომარე იყო.

აკაკი ძნელაძე თავის თავს განათლების სამინისტროში ჯერ კიდევ 2016 წელს ხედავდა, როცა მას უმაღლესი საბჭოს წევრის უფლებამოსილების ვადა ამოეწურა და მისი საჯარო სამსახურებში დასაქმების ვერსიები განიხილებოდა.

ის მაშინ „ბათუმელებთან“ ამბობდა, რომ შეიძლებოდა განათლების მინისტრის პოსტიც შეეთავაზებინათ. თუმცა ბოლო პერიოდში ისევ უმაღლესი საბჭოს აპარატში მუშაობდა.

ჯემალ სურმანიძე განათლების სამინისტროში სახელმწიფო შესყიდვების დეპარტამენტის უფროსი იყო.

აჭარის განათლების მინისტრს ახლა უკვე ოთხი მოადგილე ჰყავს.

მთავარი ფოტო: ჯემალ სურმანიძე და აკაკი ძნელაძე

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com