Batumelebi | ბათუმში ორ რესტორანში ფალსიფიცირებულ სასმელებს ამზადებდნენ და ყიდდნენ – საგამოძიებო ბათუმში ორ რესტორანში ფალსიფიცირებულ სასმელებს ამზადებდნენ და ყიდდნენ – საგამოძიებო – Batumelebi

ბათუმში ორ რესტორანში ფალსიფიცირებულ სასმელებს ამზადებდნენ და ყიდდნენ – საგამოძიებო

საქართველოს ფინანსთა სამინისტროს საგამოძიებო სამსახურის ინფორმაციით, სამსახურის თანამშრომლებბმა შემოსავლების სამსახურის წარმომადგენლებთან კოორდინაციაში, ჩატარებული ოპერატიულ-სამძებრო და საგამოძიებო მოქმედებების შედეგად, ალკოჰოლური სასმელების ფალსიფიკაციისა და ყალბი აქციზური მარკების დამზადება-გამოყენების ფაქტზე, ბათუმში ორი პირი ამხილეს.

„გამოძიებით დადგინდა, რომ ბრალდებულებს ქალაქ ბათუმში გააჩნდათ ორი რესტორანი, სადაც ახდენდნენ ფალსიფიცირებული ალკოჰოლური სასმელის ჩამოსხმას უცხოური ბრენდირებული წარმოების ბოთლებში, მის ნიშანდებას მათივე დამზადებული ყალბი აქციზური მარკებით და შემდგომ რეალიზაციას აღნიშნულ რესტორნებში. საგამოძიებო მოქმედებების შედეგად, ამოღებას დაექვემდებარა დიდი ოდენობით ფალსიფიცირებული ალკოჰოლური სასმელი, ყალბი აქციზური მარკები და მის დასამზადებლად განკუთვნილი პოლიგრაფიული მასალა,“ – აცხადებს საგამოძიებო სამსახური.

აღნიშნული კატეგორიის დანაშაული საქართველოს სისხლის სამართლის კოდექსის 197-ე მუხლის პირველი და მე-2001 მუხლის მეორე ნაწილით, ისჯება თავისუფლების აღკვეთით 4-დან 6-წლამდე ვადით.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com