ქობულეთის მე-3 საჯარო სკოლის პირველი გ კლასის მასწავლებელს, ქეთევან ვეკუას, სკოლის დისციპლინურმა საბჭომ სასტიკი საყვედური გამოუცხადა. სკოლის დირექტორის გადაწყვეტილებით, ვეკუა კლასის დამრიგებლობიდანაც გაათავისუფლეს.
16 სექტემბერს, ახალი სასწავლო წლის დაწყების დღეს, ქეთევან ვეკუამ თავისი სადამრიგებლო კლასის პირველკლასელ გოგონებს წითელი ყელსახვევები გაუკეთა, ბიჭებს კი – ლურჯი, რასაც საზოგადოების კრიტიკული რეაქციები მოჰყვა.
წითელ ყელსახვევს საბჭოთა სკოლებში ატარებდნენ ბავშვები და ის პოსტსაბჭოთა სივრცეში საბჭოთა რეჟიმის სიმბოლოდ მიიჩნევა. სკოლებში საბჭოთა სიმბოლიკის გამოყენება, რომელსაც არ აქვს საგანმანათლებლო დანიშნულება, კანონდარღვევაა.
სკოლის დისციპლინურმა საბჭომ გადაწყვეტილება დღეს, 17 სექტემბერს, მიიღო.
ამავე თემაზე:
https://batumelebi.netgazeti.ge/news/228255/?fbclid=IwAR0s2w1-pxivnkFsl2Aae8ZXz9l92mLrmW10tTidsHttuU5iBAh4PYXIOms