ხულოში, სოფელ ხიხაძირში, სატვირტო ავტომანქანა საკარმიდამო ნაკვეთში გადავარდა. ტრანსპორტში ორი პირი იმყოფებოდა. ავტოსაგზაო შემთხვევის შედეგად ერთი მგზავრი დაშავდა, რომელიც ხულოს საავადმყოფოში გადაჰყავთ.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 276-ე მუხლის მეორე ნაწილის შესაბამისად, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
