მაჭახელას ეროვნულ პარკში შველი და მიმინო გაუშვეს


მაჭახელას ეროვნულ პარკში გარემოს ზედამხედველობის დეპარტამენტის თანამშრომლებმა შველი და მიმინო გაუშვეს.

როგორც გარემოს ზედამხედველობის დეპარტამენტში „ბათუმელებს“ უთხრეს, მიმინო და შველი ადგილობრივებმა მდინარეში იპოვეს. მათ მცირე დაზიანებები ჰქონდათ, „ადგილობრივები ჩვენ დაგვიკავშირდნენ, ჩაერთო დაცული ტერიტორიების ეროვნული სააგენტოც, უმკურნალეს შველს და მიმინოს და შემდეგ გაუშვეს პარკში,“- გვითხრეს ზედამხედველობის დეპარტამენტში.

მაჭახელას ეროვნული პარკი აჭარაში, მდინარე მაჭახელი ხეობაში, 8 733 ჰექტარზეა განთავსებული.  ტერიტორია ეროვნულ პარკად 2012 წელს გამოცხადდა, უნიკალური ბიოლოგიური და ლანდშაფტური ბიომრავალფეროვნების შენარჩუნების, კოლხური ტყეების ეკოსისტემის გრძელვადიანი დაცვის, ეკოლოგიური უსაფრთხოებისა და ბუნებრივ გარემოში ტურისტული და რეკრეაციული საქმიანობის განვითარების უზრუნველყოფის მიზნით.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com