ბათუმის ბულვარი შტატგარეშე თანამშრომლებისთვის [მუშა-სპეციალისტებისთვის] დროებითი განთავსების მსუბუქი კონსტრუქციის დადგმას გეგმავს. ჯიხურს ბულვარის ადმინისტრაცია ელექტრონული ტენდერით შეისყიდის, რისთვისაც 20 ათასი ლარი აქვს გათვალისწინებული.
„შტატგარეშე თანამშრობლები ძირითადად გამწვანებაზე მუშაობენ. მათი რაოდენობა 80-მდეა. აქედან ნახევარი ძველ ბულვარში მუშაობს, ნახევარი კი ახალ ბულვარში. ძველ ბულვარში ასეთი მოსასვენებელი, გამოსაცვლელი ადგილი არის, თუმცა არ არის ახალ ბულვარში, ამიტომ ასეთი გამოსავალი ვიპოვეთ და ამ ჯიხურს, რომელიც მსუბუქი კონსტრუქცია იქნება, ახალ ბულვარში განვათავსებთ“ – გვითხრეს ბულვარის ადმინისტრაციაში.
უშუალოდ ბულვარის ადმინისტრაციაში [აჭარის 2019 წლის ბიუჯეტის მიხედვით] შტატით 36 ადამიანია დასაქმებული.
კონსტრუქციის, რომელსაც ბულვარი შეისყიდის, საერთო [შიდა] ფართობი 32 კვ.მ უნდა იყოს. ჯიხური აღჭურვილი იქნება სხვადასხვა ინვენტარით, კონდენციონერით, ხელსაბანი ნიჟარით. ჯიხურის განთავსება უნდა განხორციელდეს, ტენდერში გამარჯვებულთან შესაბამისი ხელშეკრულების გაფორმებიდან, 30 დღის განმავლობაში.
ესკიზი
