თავდაცვის მინისტრად ღარიბაშვილი, შს მინისტრად გომელაური დაასახელეს


პრემიერობის კანდიდატად რამდენიმე წუთის წინ ბიძინა ივანიშვილის მიერ დასახელებულმა გიორგი გახარიამ, მთავრობაში ცვლილებები დაანონსა. მისი თქმით, შინაგან საქმეთა მინისტრობის კანდიდატი ვახტანგ გომელაური იქნება, ხოლო თავდაცვის მინიტრის პოსტზე ირაკლი ღარიბაშვილს წარადგენენ.

მოქმედი თავდაცვის მინისტრი ლევან იზორია კი უშიშროების საბჭოში გადაინაცვლებს.

პრემიერ-მინისტრი მამუკა ბახტაძე თავად გადადგა გუშინ თანამდებობიდან. ის წელიწადი და ორი თვე იყო პრემიერი.

დღეს მმართველი პარტიის თავმჯდომარემ, ბიძინა ივანიშვილმა პრემიერ-მინისტრობის კანდიდატად ყოფილი შს მინისტრი გიორგი გახარია დაასახელა.

გახარიას გადადგომის მოთხოვნით თბილისში საპროტესტო აქციები 20 ივნისის შემდეგ არ შეწყვეტილა. გახარიას შს მინისტრის პოსტზე ყოფნისას, პოლიციამ და სპეცრაზმმა 20 ივნისის ღამეს თბილისში საპროტესტო აქცია დაარბია.

ივანიშვილმა პრემიერობის კანდიდატად გიორგი გახარია დაასახელა

ნეტგაზეთის მასალების სხვა გამოცემებში გადაბეჭდვის წესი
ავტორი