როგორი ამინდი იქნება მომდევნო სამ დღეს ბათუმსა და აჭარის მთიანეთში – პროგნოზი


გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს, 29 აგვისტოს, 21 საათამდე აჭარაში მოსალოდნელია: ცვალებადი მოღრუბლულობა, უმეტესად უნალექოდ, ცვალებადი მიმართულების ქარი 10-15მ/წმ, ტემპერატურა სანაპირო რაიონებში ღამით 18-23 გრადუსი, დღისით: 25-30 გრადუსი, მთიან რაიონებში ღამით: 8-13 გრადუსი, დღისით: 20-25გრადუსი სითბო; ზღვის ტალღის სიმაღლე – 7-12 დმ [2-3 ბალი]; ზღვის წყლის ტემპერატურა: +26 გრადუსი.

აჭარის რეგიონალური ჰიდრომეტეოროლოგიური ობსერვატორიის პროგნოზით, 29 აგვისტოს 21 საათიდან 30 აგვისტოს 21 საათამდე აჭარაში მოსალოდნელია: ცვალებადი მოღრუბლულობა, ღამით უმეტესად უნალექოდ, დღისით დროგამოშვებით ელვა-ჭექა და წვიმა; ცვალებადი მიმართულების ქარი 10-15მ/წმ-ში.

ტემპერატურა:

  • სანაპირო რაიონებში – ღამით: 18-23 გრადუსი, დღისით: 23-28 გრადუსი სითბო
  • მთიან რაიონებში – ღამით: 8-13 გრადუსი, დღისით: 17-22 გრადუსი სითბო.

ზღვის პროგნოზი:

სამხრეთ-დასავლეთის ქარი 6-11მ/წმ-ში, ღამით უმეტესად უნალექოდ, დღისით დროგამოშვებით ელვა-ჭექა და წვიმა. ხილვადობა ღამით კარგი, დღისით: 4-10კმ. ტალღის სიმაღლე ღამით და დილით 7-12 დმ (2-3 ბალი), დღის მეორე ნახევრიდან: 13-18დმ (4ბალი). ზღვის წყლის ტემპერატურა: +26 გრადუსი.

შაბათს, 31 აგვისტოს, ბათუმში მოსალოდნელია დროგამოშვებით წვიმა, ელვა-ჭექა, ღამით ზოგან ძლიერი; კვირას, პირველ სექტემბერს კი, საღამოს და ღამის საათებში ელვა-ჭექა და ხანმოკლე
წვიმა, დღისით ცვალებადი მოღრუბლულობა.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com