სკოლებში სწავლა 16 სექტემბერს დაიწყება


საჯარო და კერძო სკოლებში ახალი სასწავლო წელი 16 სექტემბერს დაიწყება. განათლების მინისტრის ბრძანების მიხედვით, სწავლა სკოლებში 15 სექტემბერს უნდა დაიწყოს, თუმცა თუ ეს თარიღი დასვენების დღეს ემთხვევა, მაშინ სასწავლო წელი შემდეგ ორშაბათს იწყება. წელს კი 15 სექტემბერი კვირაა.

განათლების მინისტრის ბრძანება ითვალისწინებს ასევე სწავლის დაწყების გადავადების შესაძლებლობასაც, თუკი სკოლას სარემონტო სამუშაოები დაუსრულებელი ან სხვა კონკრეტული მიზეზი აქვს.

ბათუმის რესურსცენტრის უფროსის, გოჩა დავითაძის თქმით, ბათუმის ყველა საჯარო და კერძო სკოლაში ახალი სასწავლო წელი 16 სექტემბერს დაიწყება.

______________

ფოტო: „ბათუმელები“/მანანა ქველიაშვილი

 

ნეტგაზეთის მასალების სხვა გამოცემებში გადაბეჭდვის წესი
ავტორი