Batumelebi | „500 წლის საჯდომის სიმღერა ჯოჯოხეთიდან“ – XVI საუკუნის ტილოზე აღმოჩენილი მუსიკა „500 წლის საჯდომის სიმღერა ჯოჯოხეთიდან“ – XVI საუკუნის ტილოზე აღმოჩენილი მუსიკა – Batumelebi

„500 წლის საჯდომის სიმღერა ჯოჯოხეთიდან“ – XVI საუკუნის ტილოზე აღმოჩენილი მუსიკა

ავტორი: მარიამ მუთიძე

ოკლაჰომას ქრისტიანული უნივერსიტეტის სტუდენტმა ამელია ჰამრიკმა XV-XVI საუკუნეში მოღვაწე  ნიდერლანდელი მხატვრის, ჰიერონიმუს ბოსხის ტრიპტიქზე „ტკბობის ბაღი“, აღმოჩენილი ნოტები მუსიკად აქცია.

სტუდენტმა ნაწარმოებს დაარქვა – „500 წლის საჯდომის სიმღერა ჯოჯოხეთიდან/The 500-Year-Old Butt Song from hell“. ეს გადაწყვეტილება მან იქედან გამომდინარე მიიღო, რომ ნოტები, პირდაპირი მნიშვნელობით, ტილოს ერთ-ერთი პერსონაჟის საჯდომზეა გამოსახული.

„ვფიქრობ, „The 500-Year-Old Butt Song from hell“ სახალისო სახელია, არა კლასიკური, მაგრამ ზუსტად ისაა, რაც ნახატზეა გამოსახული“.

ბოსხის ტილო – ტკბობის ბაღი

მუსიკამ დიდი მოწონება დაიმსახურა ამელიას ინტერნეტმეგობრებში და მალე უფრო ფართო ქსელებშიც გადაინაცვლა.

ბოსხის ნახატი – „ტკბობის ბაღი“ ამჟამად ესპანეთში, ქალაქ მადრიდში, პრადოს მუზეუმში ინახება.

მის მარცხენა ნაწილზე გამოსახულია „მიწიერი სამოთხე“, ცენტრში „ტკბობის ბაღი“, მარჯვენა კარზე კი – „ჯოჯოხეთი“. ნოტებიც სწორედ ამ უკანასკნელის ფრაგმენტია.

ამელია ჰამრიკი

წყარო  artnet.com

გთავაზობთ მუსიკას:

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.