ბათუმში, პუშკინის #77-ში მდებარე „რომპეტროლის“ ბანზინგასამართი სადგური მომხმარებელს განახლებული ფორმატით მოემსახურება. ახალი ფორმატის ფარგლებში, სადგურზე წარმოდგენილი იქნება ყველა ის სერვისები და პროდუქტები რაც სხვა რომპეტროლის სადგურებზე მოქმედებს.
„ჩვენს მომხმარებლებს, კორპორატიულ და ფიზიკურ პირებს, ამიერიდან საშუალება ექნებათ განახლებულ სადგურზე გამოიყენონ კორპორატიული FILL&GO ბარათები, ლოიალობის ბარათები და სატალონე მომსახურება. ვფიქრობთ განახლებული მომსახურების ფორმატი დამატებით კომფორტს შეუქმნის ბათუმელებს.“ – აცხადებენ კომპანიაში.
კომპანიის ლოიალობის ბარათის მფლობელები „რომპეტროლ საქართველოს“ ავტოგასამართ სადგურებზე იღებენ ფიქსირებულ კლასიკურ ფასდაკლებას – 8 თეთრის ოდენობით ყოველ შესყიდულ ერთ ლიტრ საწვავზე, პრემიუმ სტატუსის შემთხვევაში ფიქსირებული ფასდაკლება – 12 თეთრს წარმოადგენს, ხოლო გოლდ სტატუსის მქონე ბარათის ფასდაკლება – 15 თეთრია.
რაც შეეხება FILL&GO-ს, ეს არის კომპანიებისთვის საგანგებოდ შემუშავებული ავტოპარკის მოწინავე სისტემა, რომელიც ადაპტირებულია ნებისმიერ ბიზნეს საჭიროებებზე. FILL&GO ბიზნეს კონცეფცია საშუალებას აძლევს მომხმარებელს სრულყოფილად მართოს ავტოპარკი.
საქართველოს მასშტაბით „რომპეტროლის“ 81 ავტოგასამართი სადგური ფუნქციონირებს, მათ შორის 7 სადგური ბათუმში. რაც შეეხება სამომავლო გეგმებს, კომპანია გეგმავს ქსელის კიდევ უფრო გაფართოებას და 10-მდე ობიექტის გახსნას 2020 წლის ბოლომდე როგორც დასავლეთ, ასევე აღმოსავლეთ საქართველოში.
„რომპეტორლ საქართველო“ საერთაშორისო ჯგუფ „KMG International”-ის შვილობილი კომპანიაა, რომელიც ევროპისა და ცენტრალური აზიის 11 ქვეყანაში ოპერირებს და ეწევა ისეთ საქმიანობას, როგორიცაა ვაჭრობა, ნავთობპროდუქტების გადამუშავება, საცალო ვაჭრობა, მარკეტინგი და ნავთობის ინდუსტრიის სხვა სერვისები. ამავე ჯგუფის მფლობელობაშია სამხრეთ-აღმოსავლეთ ევროპასა და შავი ზღვის რეგიონში არსებული ყველაზე მსხვილი და ულტრათანამედროვე ნავთობაგადამამუშავებელი ქარხანა „პეტრომიდია“, რომელიც რუმინეთის ქალაქ ნოვოდარში მდებარეობს და რომელიც რომპეტროლს ევრო 5 სტანდარტის შესაბამისი ხარისხის საწვავით ამარაგებს.
