რატომ აიმღვრა სასმელი წყალი – „ბათუმის წყლის“ განმარტება


ბათუმის ცენტრში, მემედ აბაშიძისა და ვაჟა-ფშაველას გადაკვეთაში, ასევე მიმდებარე ტერიტორიაზე, დღეს, 14 აგვისტოს დილით, ონკანში მღვრიე წყალი მოდიოდა.

შპს „ბათუმის“ წყლის ინფორმაციით, „2019 წლის 13 აგვისტოს ქ. ბათუმში ზურაბ გორგილაძისა და ვაჟა-ფშაველას გადაკვეთაში ავარიულად დაზიანდა დ225 მმ-იანი ცენტრალური წყლის მილი. სარემონტო სამუშაოები დასრულდა 2019 წლის 14 აგვისტოს დილის 05:30 სთ. რის შემდგომაც აღნიშნულ არეალში არსებულ აბონენტებს წყალი შეუფერხებლად მიეწოდება. სარემონტო სამუშაოების დასრულების შემდეგ ქსელში წყალმომარაგების აღდგენა იწვევს ზოგიერთ მონაკვეთში წყლის ამღვრევას, რაც განპირობებულია მილზე არსებული მინერალური ნადების ჩამორეცხვით“.

კომპანიის განცხადებით, „წყლის ამღვრევის შემთხვევაში საჭიროა ონკანიდან წყლის გამოდინება რამდენიმე წუთის განმავლობაში. აბონენტებს ასევე შეუძლიათ დაუკავშირდნენ ცხელ ხაზზე 0422242222 ან 1152 და წყლის ხარისხს შეამოწმებენ ლაბორატორიულადაც.

შპს „ბათუმის წყალი“ ბოდიშს უხდის მოსახლეობას შექმნილი დისკომფორტის გამო“.

ლაბორატორიისთვის წყლის სინჯის აღება ბათუმში, მემედ აბაშიძის ქუჩაზე. ლაბორატორიის წარმომადგენლის ინფორმაციით, კვლევის სრული შედეგი 72 საათში გახდება ცნობილი / 14.08/2019

ამ თემაზე:

რატომ მოდის ბათუმის ცენტრში მღვრიე სასმელი წყალი

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com