„მეტეორების წვიმა 2019“ ასტრომოყვარულების ობიექტივში [ფოტო]


ყოველი წლის აგვისტოში ასტრომოყვარულები მეტეორების წვიმას – პერსეიდებს ელოდებიან. მეტეორებს წარმოქმნის კომეტა სვიფტ-ტატლი, რომელიც 1862 წლის ივლისში 3-დღიანი ინტერვალით აღმოაჩინეს ლუის სვიფტმა და ჰორას პარნელ ტატლიმ. პერსეიდები იმიტომ ჰქვია, რომ პერსევსის თანავარსკვლავედის მიმართულებით ჩანს ცაზე.

დედამიწა ყოველწლიურად კვეთს კომეტის ორბიტას და დაახლოებით ერთი თვის (ივლისი-აგვისტო) მანძილზე იმყოფება მის სარტყელში.

ამის გამო დედამიწის ატმოსფეროში იჭრება მცირე ნაწილები კომეტის კუდისა და ქმნის შთამბეჭდავ სანახაობას.

წელს პერსეიდების პიკი, 11-14 აგვისტო დაემთხვა სავსემთვარეობას. ასეთ დროს მთვარის შუქის გამო ჭირს ასტროდაკვირვებისა და ფოტოგრაფიის წარმოება, თუმცა ერთგულმა ასტრომოყვარულებმა მაინც შეძლეს და გადაიღეს ფოტოები:

 

ნეტგაზეთის მასალების სხვა გამოცემებში გადაბეჭდვის წესი
მარიამ მუთიძე