„ხიმშიაშვილის ადმინისტრაციულ ერთეულში თანამედროვე ტიპის სასმელი წყლის ონკანების მონტაჟი მიმდინარეობს. ამ ტერიტორიაზე 48 ერთეული წყლის ონკანი დამონტაჟდება. სამუშაოებს ტენდერში გამარჯვებული კომპანია შპს ,,გეოლოდი“ ასრულებს. ქალაქის ბიუჯეტიდან პროექტისთვის 31 ათას 104 ლარი გამოიყო“, – წერია მერიის მიერ გავრცელებულ განცხადებაში.
მერიაში მიაჩნიათ, რომ ახალი ონკანები ჩაენაცვლება ქალაქის ცენტრში არსებულ უსახურ წყლის ონკანებს.
