ნეტგაზეთი • RU

წყლის ახალი ონკანები ბათუმის ქუჩებში

 

ბათუმის მერია ბათუმში, ხიმშიაშვილის ადმინისტრაციულ ერთეულში, თანამედროვე ტიპის სასმელი წყლის ონკანებს ამონტაჟებს. ამის შესახებ ინფორმაციასა და ფოტომასალებს თავად მერია ავრცელებს.

 

„ხიმშიაშვილის ადმინისტრაციულ ერთეულში თანამედროვე ტიპის სასმელი წყლის ონკანების მონტაჟი მიმდინარეობს. ამ ტერიტორიაზე 48 ერთეული წყლის ონკანი დამონტაჟდება. სამუშაოებს ტენდერში გამარჯვებული კომპანია შპს ,,გეოლოდი“ ასრულებს. ქალაქის ბიუჯეტიდან  პროექტისთვის 31 ათას 104 ლარი გამოიყო“, – წერია მერიის მიერ გავრცელებულ განცხადებაში.

 

მერიაში მიაჩნიათ, რომ ახალი ონკანები ჩაენაცვლება ქალაქის ცენტრში არსებულ უსახურ წყლის ონკანებს.

ნეტგაზეთის მასალების სხვა გამოცემებში გადაბეჭდვის წესი
ბათუმელები