დღეს, პირველ აგვისტოს, ბათუმში, გორგილაძის ქუჩაზე, 14 წლის მოზარდს მოტოციკლი დაეჯახა. შემთხვევის ადგილზე იმყოფება სასწრაფო დახმარების ჯგუფი. დაშავებული საავადმყოფოში გადაიყვანეს.
სასწრაფოს ინფორმაციით, გოგონას ფეხი აქვს დაშავებული და თავი სტკივა. ადგილზე იმყოფება პოლიციაც. შემთხვევა დაახლოებით 18:00 საათზე მოხდა.
შსს-ს ინფორმაციით, ჯანმრთელობის დაზიანება მიიღო ერთმა ადამიანმა. გამოძიება დაიწყო სსკ-ის 276-ე მუხლის მეორე ნაწილით, რაც გულისხმობს სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.