აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს, 30 ივლისს, 18:00 საათიდან 20:00 საათამდე აჭარის ტერიტორიაზე მოსალოდნელია შკვალური [ხანმოკლე ქარიშხალი] სამხრეთ-დასავლეთის ქარის გაძლიერება 17-22 მ/წმ-მდე.
„შეიძლება ვთქვათ, რომ საგანგაშო არ არის, მაგრამ ბათუმისთვის ეს ძლიერი ქარია. რაც შეეხება ზღვას, შესაძლოა შტორმი არ გაძლიერდეს, მაგრამ უმჯობესია მოქალაქეები მოერიდონ სანაპიროს და გამოიჩინონ სიფრთხილე“, – გვითხრეს ობსერვატორიაში.
ობსერვატორიის ინფორმაციით, დღეს ბათუმში ჰაერის ტემპერატურა მაქსიმუმ +32 გრადუსი დაფიქსირდა, ქობულეთში კი +38 გრადუსამდე.
ამ თემაზე:
https://batumelebi.netgazeti.ge/news/220270/
