მთავარი,სიახლეები

პაატა სალია „რუსთავი 2“-ში შევიდა: არ ვგეგმავ საკადრო ცვლილებებს

18.07.2019 • 1365
პაატა სალია „რუსთავი 2“-ში შევიდა: არ ვგეგმავ საკადრო ცვლილებებს

„ქიბარ ხალვაშმა თქვა, რომ სარედაქციო დამოუკიდებლობა არის მნიშვნელოვანი… ვამბობ, რომ ჟურნალისტებს ექნებათ სრული დამოუკიდებლობა. ჩემი ვალდებულებაა, შევისწავლო სამართლებრივი, ფინანსური მდგომარეობა. ვეცდებით, რომ შეუფერხებელი განვითარების გეგმა შევიმუშაოთ, მე ვგეგმავ შეხვედრას მენეჯმენტთან,“ – განაცხახადა „რუსთავი 2“-ის ახალმა დირექტორმა, პაატა სალიამ, ვიდრე იგი ტელევიზიის შენობაში შევიდოდა. ტელევიზიაში პაატა სალიან ნიკა გვარამიას უკვე შეხვდა.

ნიკა გვარამიას პაატა სალიას უთხრა, რომ მას ვერ დაელაპარაკება, ხოლო თანამშრომლებს შეუძლია გაესაუბროს. გვარამიას თქმით, მას კაბინეტის დაცლისთვის დრო სჭირდება. ამჟამად პაატა სალია „რუსთავი 2“-ის ნიუსრუმშია.

ტელევიზიაში შესვლამდე ჟურნალისტებმა პაატა სალიას კითხვა დაუსვეს ნდობასთან დაკავშირებით, ასევე კონტრაქტზე, რომელზეც ნიკა გვარამია საუბარობს და კომპენსაციის გაცემას ითვალისწინებს.

„ნდობის მოპოვება უცებ, ერთ წუთში ვერ მოხდება… მალე დარწმუნდებიან ჟურნალსიტები, რომ მათ არავინ არ ეხება… რაც შეეხება კონტრაქტს, მე აქ ყველა დოკუმენტს უნდა გავეცნო, ეს არის ჩემი აქ მოსვლის მიზან. ნიკა გვარამიას თუ რამე პრეტენზია აქვს, უნდა მოითხოვოს ეს კომპენსაცია. ჩვენ გვაქვს სასამართლო, რომელიც იღებს გადაწყვეტილებებს,“ – აღნიშნა პაატა სალიამ.


18 ივლისს გამოქვეყნებულ გადაწყვეტილებაში ადამიანის უფლებათა ევროპულმა სასამართლომ „რუსთავი 2“-ის საქმეზე ადამიანის უფლებათა ევროპული კონვენციის არცერთი მუხლის დარღვევა არ დაადგინა.

ამ გადაწყვეტილებით სტრასბურგის სასამართლომ თქვა, რომ კანონიერია საქართველოს სამი ინსტანციის სასამართლოს გადაწყვეტილება და „რუსთავი 2“ ქიბარ ხალვაშს ეკუთვნის. „რუსთავი 2“-ს შეუძლია, საქმე სტრასბურგის სასამართლოს დიდ პალატაში გაასაჩივროს.

 

 

გადაბეჭდვის წესი


ასევე: