იაკუტიელი შამანი მოსკოვში მიდის, რომ კრემლიდან პუტინი განდევნოს


იაკუტიელი შამანი, ალექსანდრე გაბიჩევი, რომელიც უკვე ოთხი თვეა ფეხით მიდის მოსკოვში, რომ კრემლიდან „პუტინის ბოროტი სული“ განდევნოს, რუსეთის პროვინციებში სულ უფრო პოპულარული ხდება. 13 ივლისს რუსეთის ფედერაციის ქალაქ ჩიტაში ჩასულ შამანს აქცია დახვდა. რუსული მედიის ცნობით, ამ აქციის ორგანიზატორები იყვნენ კომუნისტები და სამოქალაქო სოლიდარობის მოძრაობა.

აქციის მთავარი სლოგანი იყო რუსეთი პუტინის გარეშე.

ალექსანდრე გაბიჩევი პროფესიით ისტორიკოსია, თუმცა პროფესიით არასდროს უმუშავია. იგი 51 წლისაა, ამბობს, რომ მთელი ცხოვრება ამ გზისთვის ემზადებოდა და პუტინის განდევნა კრემლიდან მას ღმერთმა დაავალა, რადგან პუტინი დემონია.

შამანი მოსკოვისკენ ფეხით მიდის, მან 80 ათას კილომეტრზე მეტი უნდა გაიაროს. გაბიჩევს თან აქვს მხოლოდ პატარა ურიკა. იგი ამბობს, რომ მოსკოვში 2021 წლის აგვისტოში ჩავა.

_______________

ფოტო: politinformator.ru

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com