დღეს, 13 ივლისს, ქობულეთში ფესტივალი – Kobuleti Fest 2019 გაიხსნება.
ფესტივალი საზაფხულო დეკორაციებით გაფორმებულ ქობულეთის ცენტრალურ პარკში გაიმართება და მასზე დასწრება ნებისმიერ მსურველს უფასოდ შეეძლება.
Kobuleti Fest 2019 14:00 საათზე ფრანების შოუთი გაიხსნება და 03:00 საათამდე გაგრძელდება.
ფესტივალზე შესაძლებელი იქნება ადგილობრივი და მოწვეული დიჯეების – Beka, Chiki, Toke, ასევე მუსიკალური ბენდების: Melomaniak და Goofy Land-ის მოსმენა.
აჭარის ტურიზმის დეპარტამენტის ცნობით, გაიმართება ფრანების შოუ, ცეცხლოვანი შოუ, საბავშვო გასართობი ღონისძიებები და ქართული, აღდგენილი მულტფილმების ჩვენება პარკის ამფითეატრში.
დეპარტამენტის ინფორმაციით, ფესტივალის ფარგლებში პარკშივე იფუქნციონირებს ღია კაფე-ბარები, სადაც სასმელების, ნაყინის, ხილისა და კერძების შეკვეთა იქნება შესაძლებელი.
ფესტივალის აფიშა ასე გამოიყურება:
- 14:00 – 17:30 – Beka
- 17:30 – 21:00 – Chiki
- 21:00 – 22:00 – Melomaniakk
- 22:00 – 23:00 – Goofy Land
- 23:00 – 03:00 – Toke
- 14:00 – 18:00 ფრანების შოუ
- 14:00 – 19:00 – საბავშვო გასართობი ღონისძიებები
- 20:00 – მულტფილმების ჩვენება ამფითეატრში
- 21:00 – ცეცხლოვანი შოუ
- 21:30 – კოცონი
- 23:00 – ფოიერვერკი
ქობულეთის ფესივალი აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებითა და ქობულეთის მერიის მხარდაჭერით გაიმართება. ფესტივალს ქობულეთის მერიის ორგანიზებით, უცხოელი ჟურნალისტები, ტუროპერატორები, ბლოგერები, ასევე ქობულეთს დამეგობრებული ქალაქებიდან დელეგაციები ესტუმრებიან.
ქობულეთის ფესტივალთან დაკავშირებით ქობულეთის მუნიციპალიტეტის ტრანსპორტის სამსახური ბათუმის ქობულეთის მიმართულებით ორ დამატებით ხაზს ნიშნავს. მუნიციპალური ტრანსპორტი 19:00 საათსა და 20:00 საათზე ბათუმიდან, საბაგიროს მიმდებარე ტერიტორიიდან გამოვა.
ქობულეთის მერიის ინფორმაციით, ბათუმის მიმართულებით ტრანსპორტის ქობულეთის ცენტრალური პარკიდან ღონისძიების დასრულების შემდეგ დაბრუნდება.
_______________
ფოტოზე: ქობულეთის სანაპირო, 2018 წელი.
