მთავარი,სიახლეები

ხიდაშელი: გაბუნიას განცხადების ყველაზე დიდი მოსარგებლე პუტინი აღმოჩნდა

10.07.2019 • 1200
ხიდაშელი: გაბუნიას განცხადების ყველაზე დიდი მოსარგებლე პუტინი აღმოჩნდა

თინათინ ხიდაშელი, პოლიტიკოსი, თავდაცვის ყოფილი მინისტრი: 

„გიორგი გაბუნიას განცხადების ყველაზე დიდი მოსარგებლე ვლადიმირ პუტინი აღმოჩნდა, ჩვენი ხელისუფლება კი მორიგ ჯერზე სასაცილო მდგომარეობაში აღმოჩნდა. ჯერ იმიტომ, რომ ერთმანეთის მიყოლებით გვიმტკიცებდნენ, რომ თურმე ტელეწამყვან გიორგი გაბუნიას გინების გამო რუსეთი ახლა დაგვბომბავდა, აქ ავიაციას გამოგზავნიდა და ტერიტორიების მორიგი ოკუპაცია მოხდებოდა. ამის შემდეგ რუსეთის დუმამ ასევე ისტერიული სერიალი მოაწყო, სადაც სრულიად წარმოუდგენელი, საქართველოს ხელისუფლებისმაგვარი განცხადებები კეთდებოდა და აი, „კეთილი ბიძია“, ვლადიმერ პუტინი გამოჩნდა, რომელმაც უცბად ყველა პრობლემა მოაგვარა, ყველა დააწყნარა და მარჩენალ, მხსნელ, ქართველებზე მოფიქრალ ადამიანად მოგვევლინა.

…იმის შემდეგ, რაც [პუტინმა] პირდაპირი აგრესია განახორციელა და ჩვენი ტერიტორიების ანექსია მოახდინა, იმის შემდეგ, რაც სამი სამხედრო ბაზა გახსნა საქართველოს მიწაზე, ორი -„საელჩო“, იმის შემდეგ, რაც ტანკი და ჩექმა ერთმანეთის მიყოლებით დააყენა ქვეყნის შუაგულში, ვლადიმერ პუტინმა შეცვალა სტრატეგია საქართველოსთან მიმართებაში. ცნობილი გამოთქმა, რომ არის, მათრახის და თაფლაკვერის პრინციპი, მათრახი გადადო გვერდზე ცოტა ხნით და ახლა თაფლაკვერის პრინციპით გველაპარაკება იმ დღიდან მოყოლებული, რაც მათრახმა თავისი ფუნქცია შეასრულა. გუშინდელი და დღევანდელი დღე იყო ამის კლასიკა და გიორგი გაბუნია ჩაეწერა პირდაპირი მნიშვნელობით ამ სცენარში, როგორც სასარგებლო იდიოტი, მან ამ კონკრეტულ შემთხვევაში ეს ფუნქცია შეასრულა, რაც ძალიან სამწუხაროა.“

________________

წყარო: ტელეკომპანია პირველი

გადაბეჭდვის წესი


ასევე: