რუსეთი საქართველოსთან ავიამიმოსვლის აღდგენაზე ფიქრობს – რუსული მედია

რუსული მედია „კომერსანტზე“ დაყრდნობით წერს, რომ რუსეთ-საქართველოს შორის შესაძლოა აღდგეს ავიამიმოსვლა. იმავე წყაროების თქმით, გამოცემა „კომერსანტი“ ამ ინფორმაციას რუსეთის საგარეო საქმეთა სამინისტროზე დაყრდნობით ავრცელებს.

რუსული წყაროების თქმით, რუსეთი კმაყოფილია საქართველოს ხელისუფლების რეაქციით, რაც ჟურნალისტ გიორგი გაბუნიას უცენზურო გამონათქვამებს მოჰყვა რუსეთის პრეზიდენტის, ვლადიმერ პუტინის მიმართ. „საგარეო საქმეთა სამინისტროში აღნიშნეს, რომ თუ საქართველოში შეწყდება რუსოფობია და ხელისუფლება იქნება თანმიმდევრული, არ გამორიცხავენ უვიზო რეჟიმის შემოღებას“.

„გარდა ამისა, პერსპექტივაში რუსეთი არ გამორიცხავს დაუბრუნდეს მოლაპარაკებას საქართველოს მოქალაქეებისთვის სავიზო რეჟიმის გაუქმების თაობაზე,“ – წერს გამოცემა ლენტა.რუ კომერსანტზე დაყრდნობით.

შეგახსენებთ, რომ საქართველოსთან ავიამიმოსვლა ვლადიმერ პუტინმა ბევრად ადრე აკრძალა [რუსი დეპუტატის, გავრილოვის გაძევების შემდეგ საქართველოს ხელისუფლების მიერ გაკეთებული შეფასებების საპასუხოდ], ვიდრე ჟურნალისტი გიორგი გაბუნია შეაგინებდა პირდაპირ ეთერში რუსეთის პრეზიდენტს.

გუშინ ვლადიმერ პუტინმა საქართველოზე საუბრის დროს თქვა, რომ მე-19 საუკუნის დასაწყისში „არავითარი საქართველო არ ყოფილა, ეს იყო ტფილისის გუბერნია“.

ნახეთ, რას ფიქრობს რუსეთის პრეზიდენტი საქართველოზე:

https://netgazeti.ge/news/379568/