ბათუმში სტომატოლოგ ქალთა მსოფლიო ფორუმი საქართველოს პრეზიდენტმა გახსნა


„ქალის ჯანმრთელობა ჯანსაღ სამყაროში“ – ამ სლოგანით გაიხსნა დღეს, 5 ივლისს, ბათუმში სტომატოლოგ ქალთა საერთაშორისო კონფერენცია, რომელიც საქართველოს პრეზიდენტმა, სალომე ზურაბიშვილმა გახსნა.

კონფერენცია ორ დღეს გაგრძელდება და მას მსოფლიოს სხვადასხვა ქვეყნის წარმომადგენლები ესწრებიან. ფორუმს ესწრება სტომატოლოგთა მსოფლიო ფედერაციის პრეზიდენტი ქეითლინ კელი აშშ-დან.

სტომატოლოგ ქალთა საერთაშორისო ფორუმი ბათუმში

„კონფერენციას ესწრებიან წამყვანი ქვეყნების სტომატოლოგთა ასოციაციების წარმომადგენლები, წელს არის  მე-15 საერთაშორისო კონგრესი. ქალთა სტომატოლოგიურ საერთაშორისო ორგანიზაციაში ყველა წამყვანი პოზიცია ქალებს უკავიათ.

დღეს ძალიან მნიშვნელოვანია, რომ ვისაუბროთ ქალის ჯანმრთელობაზე და გავეცნოთ თანამედროვე მიღწევებს სტომატოლოგიის სფეროში,“ – ამბობს საქართველოს სტომატოლოგთა ასოციაციის პრეზიდენტი ქეთევან გოგილაშვილი.

სტომატოლოგ ქალთა ფორუმი ბათუმში საქართველოს პრეზიდენტმა, სალომე ზურაბიშვილმა გახსნა
ფოტო: ლელა დუმბაძე/ბათუმელები

ჰოლში გამოფენილია სტომატოლოგიური კლინიკებისა და ასოციაციების ინფორმაცია თავიანთი პროდუქციისა და ტექნოლოგიების შესახებ.

სტომატოლოგ ქალთა მსოფლიო ფორუმის გახსნას აჭარის მთავრობის თავმჯდომარე თორნიკე რიჟვაძე და აჭარის ჯანადაცვის მინისტრიც დაესწრნენ.

სტომატოლოგ ქალთა მსოფლიო ფორუმი

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com