ბათუმის ბულვარის განცხადება


სსიპ ბათუმის ბულვარი ზაფხულის სეზონის განმავლობაში მზადაა უფასოდ დაუთმოს სივრცე მხატვრებს და ხელოვანებს თავიანთი შემოქმედების წარმოსაჩენად. სპეციალურად გამოყოფილი სივრცე ცენტრალურ შესასვლელთან, ყველაზე ხალხმრავალ ადგილზე იქნა შერჩეული, კერძოდ, ბულვარის მთავარი შადრევნების მარჯვენა მხარეს მდებარე ხეივანში.

სსიპ ბათუმის ბულვარის მიზანია მხატვრებისა და ხელოვანი ადამიანების შემოქმედება წარმოდგენილი იყოს არა ქაოტურად, არამედ ერთ სივრცეში და მიეცეს კოლორიტული და ტრადიციული სახე.

სსიპ ბათუმის ბულვარის მზადაა კიდევ ერთი ძალიან მიმზიდველი და საინტერესო ღია სივრცე დაუთმოს მხატვრებსა და ხელოვანებს სასტუმრო ინტურისტების წინ მდებარე სკვერში პერსონალური გამოფენების მოსაწყობად.

დაინტერესების შემთხვევაში, ხელოვანებს შეუძლიათ მიმართონ სსიპ ბათუმის ბულვარს ( მისამართი: კ.გამსახურდიას N2 ) და შეათანხმონ გამოფენების ვიზუალური და პრაქტიკული დეტალები.

ნეტგაზეთის მასალების სხვა გამოცემებში გადაბეჭდვის წესი
ავტორი