Batumelebi | კომპანია: „ვიზიარებთ საზოგადოების მოსაზრებას ფლაერზე დატანილ რუკის ვიზუალურ გამოხატვაზე“ კომპანია: „ვიზიარებთ საზოგადოების მოსაზრებას ფლაერზე დატანილ რუკის ვიზუალურ გამოხატვაზე“ – Batumelebi

კომპანია: „ვიზიარებთ საზოგადოების მოსაზრებას ფლაერზე დატანილ რუკის ვიზუალურ გამოხატვაზე“

კომპანია Avis Rent a Car in Georgia საკუთარ FB-გვერდზე ავრცელებს მოკლე შეტყობინებას ფლაიერებთან დაკავშირებით, რომელზეც საქართველოს ტერიტორიული მთლიანობა დარღვეულია – ტერიტორია, სადაც საქართველოს იურისდიქცია ვრცელდება, წითელი ფერით არის აღნიშნული, ხოლო ოკუპირებული აფხაზეთი და სამხრეთ ოსეთი ნაცრისფრად. დღეს ეს ფლაიერები ბათუმელმა ფოტოგრაფმა ედო მჟავანაძემ გადაიღო ბათუმის აეროპორტში.

„ვიზიარებთ საზოგადოების მოსაზრებას ფლაერზე დატანილ რუკის ვიზუალურ გამოხატვასთან დაკავშირებით. აქამდე რუკაზე საქართველოს საყოველთაოდ აღიარებული საზღვრების ფარგლებში განსხვავებული დაშტრიხვით მონიშნული გვქონდა რუსეთის მიერ ოკუპირებული საქართველოს ორი რეგიონი: აფხაზეთი და სამხრეთ ოსეთი, სადაც ბუნებრივია კლიენტების მომსახურებას ვერ ვახორციელებთ. ამიერიდან, ჩვენი ფლაერები კიდევ უფრო თვალსაჩინოდ გამოხატავს ამ რეგიონების რუსეთის ოკუპაციის ფაქტს“, – წერია Avis Rent a Car in Georgia , მიერ გავრცელებულ განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან