მთავარი,სიახლეები

დემონსტრანტებმა ხელისუფლებას ვადა 23 ივნისის, 14.00 საათამდე მისცეს

23.06.2019 • 966
დემონსტრანტებმა ხელისუფლებას ვადა 23 ივნისის, 14.00 საათამდე მისცეს

თუ დღეს, 23 ივნისის 14.00 საათისთვის ხელისუფლება დემონსტრანტების მოთხოვნებს არ შეასრულებს, საპროტესტო აქცია 23 ივნისს, 19.00 საათზე თბილისში, რუსთაველის გამზირზე კვლავ გაიმართება. ასეთია მრავალათასიანი დემონტრაციის მონაწილეების ულტიმატუმი, რომელიც ხელისუფლებას 22 ივნისს წაუყენეს.

მესამე დღეა დემონსტრანტები ხელისუფლებას შსს მინიტრ გიორგი გახარიას და პროპორციულ საარჩევნო სისტემაზე გადასვლას, ასევე აქციის დაშლისას დაპატიმრებულების გათავისუფლებასა და დამნაშავე პოლიციელების დასჯას ითხოვენ.

22 ივნისის მრავალათასიანი დემონსტრაცია თბილისში, რომელიც პარლამენტის შენობასთან მიმდინარეობდა, “ოცნების” ოფისთან დასრულდა.

პარლამენტის შენობასთან სიტყვით გამოსვლების შემდეგ დემონსტრანტებმა დაიწყეს მსვლელობა “ქართული ოცნების” ოფისისკენ.

მომიტინგეებს “ოცნების” ოფისთან სამართალდაცველები დახვდნენ, რომლებიც თავდაპირველად სპეციალური ეკიპირებით იყვნენ , თუმცა შემდეგ ჩაფხუტები და ფარები მოიხსნეს.

სახელმწიფო დაცვის  სპეციალური სამსახურის უფროსმა ანზორ ჩუბინიძემ “ნეტგაზეთს” პირდაპირ ეთერში განუცხადა, რომ ხელმძანელობამ სპეციალური ეკიპირების საჭიროება ვერ დაინახა მშვიდობიან აქციაზე.

“ოცნების” ოფისთან აქციის მონაწილეებმა კიდევ ერთხელ გამოაცხადეს მოთხოვნები, იმღერეს საქართველოს ჰიმნი და სკანდირებდნენ “მშვიდობას” და “პუტინ ხუილო”.

22 ივნისის დემონსტრაცია “ოცნების” ოფისთან დასრულდა

 

  • თბილისში მესამე დღეა მიმდინარეობს მრავალათასიანი დემონსტრაცია
  • მრავალათასიანი დემონსტრაციები თბილისში მოყვა რუსეთის დუმის დეპუტატების ვიზიტს საქართველოში და სერგეი გავრილოვის მიერ საქართველოს პარლამენტის თავმჯდომარის სავარძლიდან მართლმადიდებლობის საპარლამენტთაშორისო გენერალური ასამბლეის სესიის გახსნას. რის შემდეგაც  შესვენებისას, პარლამენტის სხდომათა დარბაზში შევიდნენ “ევროპული საქართველოსა” და “ერთიანი ნაციონალური მოძრაობის” დეპუტატები და სესიის გაგრძელების საშუალება არ მისცეს.
  • ხელისუფლებამ 20-21 ივნისს ძალის გამოყენებით დაშალა საპროტესტო აქცია თბილისში, პარლამენტთან, რის შედეგად დაშავდა ათეულობით ადამიანი. დაშავებულთა შორის არიან ჟურნალისტებიც;
  • დააკავეს დემონსტრაციის 305 მონაწილე;
  • დაშავდა 240 მოქალაქე, მათ შორის 80 პოლიციელი. ზოგიერთმა მოქალაქემ დაკარგა თვალი;
  • პოლიციას არ აკეთებს კომენტარს დაიწყო თუ არა გამოძიება ძალის გადამეტებაზე;
  • გადადგა პარლამენტის თავმჯდომარე ირაკლი კობახიძე, ხოლო დეპუტატმა ზაქარია ქუცნაშვილმა დატოვა დეპუტატის მანდატი.

გადაბეჭდვის წესი


ასევე: