გერმანიის ქალაქ ჰამბურგში ქართველმა ემიგრანტებმა აქცია გამართეს. ისინი საქართველოში, პარლამენტის წინ მიმდინარე აქციის მონაწილეებს სოლიდარობას უცხადებენ და რუსულ ოკუპაციას აპროტესტებენ.
მათ აქციის ჩასატარებლად ჰამბურგში ყველაზე ხალხმრავალი ადგილი შეარჩიეს, იმისთვის, რომ რაც შეიძლება ბევრი ადამიანისთვის მიეწვდინათ ხმა, საქართველოში განვითარებული მოვლენების შესახებ.
ანტისაოკუპაციო აქცია ჰამბურგში
„ძალა არის ერთიანობაში, ჩვენ გვინდა საქართველოს დავანახოთ, რომ მართალია სამშობლოსგან მოშორებით ვართ, მაგრამ მათ გვერდით ვუდგავართ“ – ამბობენ აქციის მონაწილეები. აქციის მონაწილეები ითხოვენ ასევე თბილისის აქციაზე დაპატიმრებულების გათავისუფლებას.
აქციის მონაწილეებს თან ჰქონდათ საქართველოს დროშები და ტრანსპარანტები, წარწერით „რუსეთი ოკუპანტია“ , ისინი აქციის გამართვას ხვალაც გეგმავენ.
ჰამბურგში მყოფი ქართველი ემიგრანტების სოლიდარობს აქცია – ფოტო: დარინა მიქელაძე
___________________________________________________________________
