ბათუმის ბოტანიკურ ბაღს ორი ელექტრომობილი დაემატა. ბაღში სულ 12 ელექტრომობილი მოემსახურება ვიზიტორებს.
ბოტანიკური ბაღის ინფორმაციით, ბაღში ასევე მიმდინარეობს ნეკერცლების პარტერის რეკონსტრუქცია-რეაბილიტაცია რომელიც ივლისში უნდა დასრულდეს. პროექტის ღირებულება 265 ათას 600 ლარია.
ჩაქვის შესასვლელის მიმდებარედ დასრულდა დამატებითი ავტოსადგომის მშენებლობა, რომელიც 50 მანქანაზეა გათვლილი, ასევე
დასრულდა ვიზიტორთა ცენტრის მშენებლობაც, რომლის მიმდებარე ტერიტორიაზე 5000 კვ.მ ტერიტორიის მოწესრიგება იგეგმება.
„ბოტანიკური ბაღის“ ინფორმაციით, ტერიტორიაზე დასრულდა ვიდეო სათვალთვალო სისტემისა და Wi-Fi მოწყობაც.
