პირველად ბათუმში, 2019 წლის 16 ივნისს, 11:00-17:00 საათამდე, სასტუმრო „ველმონდში“ კომპანია „ქონსალთინჯორჯია“ consultingeorgia უმასპინძლებს თამარ სამსონიას საავტორო პროექტს „ელემენტი.“
სილამაზის და კულტურის ექსპერტები, ხელოვანები, ფსიქოლოგი, ენდოკრინოლოგი და სხვა პროფესიონალები, გირჩევენ და გასცემენ პასუხს თქვენთვის უმნიშვნელოვანეს კითხვებს, რომლებიც მიმართული იქნება თქვენი წარმატებისა და განვითარებისაკენ.
ჩვენს თანამედროვე, ევროპულ ქალაქში, სადაც ულამაზესი ბულვარი, კინო, თეატრი და განტვირთვის ძალიან ბევრი სხვა საშუალება გვაქვს, სამწუხაროდ ჯერ კიდევ გამოწვევად რჩება კინოსა და თეატრის ცარიელი დარბაზები (მათ შორის, უფასო ღონისძიებებზეც), თბილი სუბტროპიკული კლიმატის პირობებში, ჩვენი ქალაქის მოსახლეობა როგორც დატვირთული, ისე თავისუფალი რეჟიმის პირობებში, თითქმის არ დადის ფეხით, უჩივის წონის მატებას და დეპრესიას, საქმიან და დასაქმებულ ადამიანთა დიდი ნაწილისათვის ჩვევად იქცა ჩაკეტილი წრე: სახლი, სამსახური, სოციალური ქსელი, მონოტონურობა. მოქალაქეთა ნაწილს დროთა განმავლობაში უქრება ხალისი და განვითარების მოტივაცია.
პროექტის მთავარი მიზანია – წარმატების ფსიქოლოგიის გაგება – რაც მიიღწევა სხვადასხვა ელემენტის გაერთიანებით – პიროვნული ინდივიდუალიზმის აღქმის და თავდაჯერების ამაღლებით, საკუთარი თავის და სხვების მოტივირებით, ჯანმრთელობით, ჰარმონიით გარემოსა და საკუთარ თავთან.
პროექტი საზოგადოებისათვის სასიკეთო ნორმებისა და ღირებულებების – ჯანსაღი ცხოვრების, შემეცნებისა და სხვა სიკეთეების პოპულარიზაციას ახდენს.
პროექტი ერთდღიანია და შედგება 3 მთავარი ნაწილისაგან ანუ წარმატებისა და თავდაჯერებისათვის მნიშვნელოვანი 3 მთავარი „ელემენტი“- საგან: პერსონა – ინდივიდი, ჯანმრთელობა და განტვირთვა.
[checklist]
- პირველი – „პერსონა ინდივიდი – განუმეორებელი ელემენტი“ – მონაწილეებში ინდივიდუალიზმის განვითარების, საკუთარი უნიკალურობის აღქმას განვიხილავთ მოწვეულ სპეციალისტებთან ერთად.
- მეორე – „ჯანმრთელობა- შეუცვლელი ელემენტი“. პირველ რიგში, განვიხილავთ ფსიქოლოგიურ ნაწილს: მოტივაცია, თავდაჯერების ფსიქოლოგია, რაც ყველასთვის როგორც ბიზნესში, ისე პიროვნული განვითარებისათვის აუცილებელია. შემდეგ კი უშუალოდ ფიზიკურ ჯანმრთელობას შევეხებით, მოწვეული იქნება ენდოკრინოლოგი და ფიზიკური აქტივობის სახეებს და მნიშვნელობაზე ისაუბრებს პროფესიონალი.
- მესამე – „განტვირთვა – აუცილებელი ელემენტი“ განტვირთვის აუცილებლობაზე, წიგნებზე, კინოზე, თეატრსა და რაღა თქმა უნდა, ჩვენს უნიკალურ მწვანე გარემოზე ვისაუბრებთ.
[/checklist]
[highlight color=”green”]სპიკერები:[/highlight]სოფო გუჯაბიძე, ზვიად ელიზიანი, მარიამ კორინთელი, ნინო კერვალიშვილი, ქეთი ბერიძე, ნანუკა სტამბოლიშვილი, ბელა ხალვაში, ვერონიკა არუთუნიანი, ზაქარია ცერცვაძე, მიხეილ გაბაიძე. იხილეთ სპიკერების ვიდეო.
პროექტის მხარდამჭერები არიან: „ისი პარი“, დიზაინერი ნანა ქართველი, კლინიკა „დერმაქეა“, ბათუმის ენდოკრინოლოგიის ცენტრი, გამომცემლობა „წიგნები ბათუმში,“ ბიაფფი – საავტორო კინოს ბათუმის საერთაშორისო ფესტივალი, სახელმწიფო დრამატული თეატრი, ხელოვნებისა და კულტურის ცენტრი, Bella – ხელნაკეთი ჩანთები, ასპრია ფიტნეს ცენტრი, სასტუმრო „ველმონდი“ და სპეციალურად პროექტისათვის მოწვეული ტრენერი.
პროექტზე რეგისტრირებულ მონაწილეთათვის გათვალისწინებულია წამახალისებელი გათამაშებები და საჩუქრები.
