რატომ არ მუშაობს შუქნიშნები ბათუმში


ბათუმში, ლუკა ასათიანისა და ჭავჭავაძის ქუჩების გადაკვეთაში, სადაც ინტენსიური მოძრაობაა, შუქნიშანი უკვე მეორე დღეა არ მუშაობს. შუქნიშანი გამორთულია, ასევე, ჭავჭავაძისა და აბუსერიძის ქუჩების გადაკვეთაში, ჯავახიშვილისა და ბაგრატიონის, ლერმონტოვისა და ბაგრატიონის ქუჩების გადაკვეთაში.

„ბათუმის ავტოტრანსპორტის“ ინფორმაციით, ლუკა ასათიანის ქუჩაზე შუქნიშნის გათიშვის მიზეზი მიწისქვეშა დაზიანებაა. „მიმდინარეობს სამუშაოები და მალე ჩაირთვება“, – გვეუბნება ბესო დათიაშვილი, „ბათუმის ავტოტრანსპორტის“ მარკეტინგის სამსახურის უფროსი.

რაც შეეხება სხვა ქუჩებზე შუქნიშნის გათიშვას, დათიაშვილი ამბობს, რომ ამ მონაკვეთებთან ახლოს ასევე მიმდინარეობს სამუშაოები და პრობლემა შესაძლოა რამდენიმე დღეში აღმოიფხვრას.

ლუკა ასათიანისა და ჭავჭავაძის ქუჩების გადაკვეთაში შუქნიშანი ორი დღეა არ მუშაობს

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com