Batumelebi | არადეკლარირებული სიგარეტისთვის მოქალაქეები ათას-ათასი ლარით დააჯარიმეს არადეკლარირებული სიგარეტისთვის მოქალაქეები ათას-ათასი ლარით დააჯარიმეს – Batumelebi
RU | GE  

არადეკლარირებული სიგარეტისთვის მოქალაქეები ათას-ათასი ლარით დააჯარიმეს

შემოსავლების სამსახურის ინფორმაციით, 31 მაისიდან 3 ივნისის ჩათვლით, საბაჟო გამშვებ პუნქტებში: „სარფი“, „ვალე“, „ყაზბეგი“ და „წითელი ხიდი“ არადეკლარირებული სიგარეტის ქვეყნის საზღვარზე კანონდარღვევით შემოტანის მცდელობის ფაქტები აღიკვეთა.

„საქართველოს ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთის, საქართველოს, ირანისა და აზერბაიჯანის  მოქალაქეების ფიზიკური და მათი მართვის ქვეშ არსებული ავტომობილის დათვალიერების შედეგად, ჯამში, 21,400 ღერი არადეკლარირებული სიგარეტი აღმოაჩინეს.“ – აღნიშნულია სამსახურის ინფორმაციაში – „საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეებს ჩამოერთვათ საქონელი და სანქციის სახით, ფულადი ჯარიმა, ათას-ათასი  ლარის ოდენობით შეეფარდათ“.

 

მთავარი ფოტო: საბაჟო გამშვები პუნქტი „სარფი“ / „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com