Batumelebi | ბათუმში 31 მაისს დასაქმების ფორუმი გაიმართება ბათუმში 31 მაისს დასაქმების ფორუმი გაიმართება – Batumelebi
RU | GE  

ბათუმში 31 მაისს დასაქმების ფორუმი გაიმართება

31 მაისს ბათუმში დასაქმების ფორუმი გაიმართება. ფორუმის მონაწილეებს 50-მდე კომპანია 2000-ზე მეტ ვაკანსიას შესთავაზებს. სამუშაო ადგილები სამომხმარებლო, სამშენებლო, საბანკო-საფინანსო, ტურიზმის, წარმოების, დისტრიბუციისა და  ენერგეტიკის სფეროებიდანაა.

ფორუმის ორგანიზატორი სოციალური მომსახურების სააგენტოა, რომლის ინფორმაციით, worknet.gov.ge-ზე რეგისტრირებულ სამუშაოს მაძიებლებს ფორუმის შესახებ ინფორმაცია წინასწარ გაეგზავნებათ მოკლე ტექსტური შეტყობინების სახით.

ფორუმზე მონაწილეობის მისაღებად მსურველები www.ssa.gov.ge-ს უნდა ეწვიონ, გადავიდნენ დასაქმების ფორუმის სარეგისტრაციო ბანერზე და დარეგისტრირდნენ 15:00 საათიდან 18:00 საათამდე. სააგენტოს ინფორმაციით, ფორუმზე  რეგისტრაცია შეუძლია ყველა იმ პირს, რომელიც რეგისტრირებულია შრომის ბაზრის მართვის საინფორმაციო სისტემა worknet.gov.ge-ზე.

ფორუმის მიმდინარეობისას, სამუშაოს მაძიებლებს სახელმწიფო  პროგრამებსა  და სერვისებს დეტალურად გააცნობენ.

ბათუმის დასაქმების ფორუმი 31 მაისს 15:00 საათზე დაიწყება და 18:00 საათამდე გაგრძელდება. ფორუმი სასტუმრო „ვინდჰემ ბათუმში“ გაიმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com