მთავარი,რეკლამა,სიახლეები

კომპანია „ნოვამ“ თიბისისა და EBRD-ის მხარდაჭერით ახალი საწარმო გახსნა

28.05.2019 • 1120
კომპანია „ნოვამ“ თიბისისა და EBRD-ის მხარდაჭერით ახალი საწარმო გახსნა

27 მაისს ქალაქ ბათუმში შპს „ნოვამ“ განახლებული საწარმო გახსნა.

საწარმოში 10 000 ლიტრამდე მოცულობის პოლიეთილენის წყლის ავზები, დამცავი ბარიერები და  პოლიეთილენის სხვა პროდუქციის წარმოებაა შესაძლებელი. პროექტისთვის „თიბისიმ“ და ევროპის რეკონსტრუქციისა და განვითარების ბანკმა (EBRD) 3 მილიონი ევროს ოდენობის სესხი გამოყვეს.

„ნოვა“ აღნიშნული სესხიდან 15%-ს უკან „ქეშ ბექის“ სახით დაიბრუნებს.

კომპანია „ნოვა“ ეკოლოგიურად სუფთა, 100-დან 5000-მდე ლიტრი მოცულობის, პოლიეთილენის წყლის ავზებს 2014 წლიდან აწარმოებს. განახლებული საწარმოო ხაზებით კი კომპანია 10 000-მდე ლიტრ მოცულობის პოლიეთილენის წყლის ავზების წარმოებას შეძლებს. გარდა ავზებისა, იტალიური დანადგარები, რომლებიც როტაციული მეთოდით ქმნიან პროდუქციას,  პოლიეთილენის სხვადასხვა პროდუქციის წარმოების საშუალებასაც იძლევა.

საერთო ჯამში, პროექტის ფარგლებში, რომელიც „თიბისის“ და EBRD-ის მხარდაჭერით ხორციელდება, „ნოვამ“ დამატებით 10 საწარმოო ხაზი დანერგა. მეტალოკრამიტის, პროფნასტილის სახურავის მასალის, წყალსაწრეტი სისტემების, მეტალოპლასტმასის კარ-ფანჯრის არმირების პროფილების საწარმოო ხაზები კომპანიის თბილისისა და ბათუმის ფილიალებში განთავსდა.

გადაბეჭდვის წესი


ასევე: