დამოუკიდებლობის დღის აღსანიშნავად ბათუმის ქუჩებში საზეიმო მსვლელობა მოეწყო. ფესტივალის „ოქროს დელფინის“ ფარგლებში რვა ქვეყნის სახელოვნებო ჯგუფებმა ჩაიარეს მემედ აბაშიძის ქუჩა, შემდეგ რუსთაველის ქუჩა და „საოცრებათა მოედანზე“ გაჩერდნენ. ნაციონალურ სამოსში გამოწყობილმა ადამიანებმა გამართეს პერფორმანსებიც.
დღესვე მსვლელობის დროს რუსეთის დროშები გამოჩნდა. ფესტივალის ორგანიზატორების თქმით, რუსეთი ამ ფესტივალის მონაწილე არ არის და დროშები სხვა ქვეყნების წარმომადგენლებს ჰქონდათ. ამ ფაქტის შემდეგ აჭარის მთავრობის თავმჯდომარემ აჭარის განათლების მინისტრი, ინგა შამილიშვილი, თანამდებობიდან გაათავისუფლა.
