2019 წლის 22 მაისიდან ანაკლიის სასწავლო ცენტრში სერტიფიცირებული სასწავლო პროგრამები დაინერგა. ცენტრში ნებისმიერ მსურველს შეუძლია უფასოდ ისწავლოს და ბაზარზე მოთხოვნად პროფესიას დაეუფლოს.
სასწავლო ცენტრი ანაკლიის განვითარების კონსორციუმის და USAID „ზრდა“ ინიციატივით და დაფინანსებით შეიქმნა. უშუალოდ სასწავლო პროცესს საზოგადოებრივი კოლეჯი „ახალი ტალღა“ განახორციელებს.
სასწავლო პროგრამები ანაკლიის სასწავლო ცენტრსა და ზუგდიდის ტექნო-პარკში გაიმართება. პროექტი შემდეგ მიმართულებებს მოიცავს:
[checklist]
- ინგლისური ენა (6 თვე)
- კომპიუტერული პროგრამები (5 თვე)
- სარესტორნო მომსახურების სპეციალისტი (მიმტანი) (4 თვე)
- სასტუმროს დასუფთავების სამსახურის სპეციალისტი (დამლაგებელი) (3 თვე)
- სტუმრების მიღება-განთავსების სპეციალისტი სასტუმროში (5 თვე)
- მეწარმეობა და ბიზნეს ადმინისტრირება (3 თვე)
[/checklist]
ინგლისური ენის სასწავლო კურსებისთვის განსაზღვრულია სწავლების 3 დონე (beginner, intermediate და advanced), ხოლო “კომპიუტერული პროგრამების“ სასწავლო კურსებისთვის განსაზღვრულია 2 დონე (beginner და advanced).
მსურველებს განცხადების ფორმის გამოგზავნა შეეძლოთ როგორც ელექტრონული ფორმით, ასევე ხელწერილი სახით ანაკლიის საინფორმაციო ცენტრსა და USAID ზრდა პროექტის ზუგდიდის ოფისში, 10 მაისის ჩათვლით. აპლიკანტების შერჩევა, მათ მიერ მითითებული კურსების მიხედვით, ტესტირების შედეგად მოხდა, რის საფუძველზეც მსმენელები შესაბამის სასწავლო ჯგუფებში გადანაწილდებიან. თუმცა სხვადასხვა დონის სწავლებისთვის აპლიკანტების შერჩევის პროცედურის დასრულებისას დამატებით გასაუბრებები გაიმართება.
კურსდამთავრებულები მიიღბენ სწავლის დამადასტურებელ აკრედიტებულ სერტიფიკატებს, რაც მათ დასაქმების და ეკონომიკური განვითარების პერსპექტივებს გააუმჯობესებს.
ანაკლიის სასწავლო ცენტრი ანაკლიის ეკონომიკური განვითარების პროგრამის ნაწილია, რომელიც ანაკლიის განვითარების კონსორციუმის (ანაკლიის პორტის) და USAID-ს „ზრდა“ პროექტის ერთობლივი ინიციატივით შეიქმნა და ანაკლიისა და მეზობელი სოფლების ეკონომიკურ განვითარებას ისახავს მიზნად. პროექტის ამოცანაა რეგიონში მიკრო, მცირე და საშუალო ბიზნესისთვის ხელის შეწყობა, პორტისა და რეგიონისთვის მოთხოვნადი კვალიფიციური სამუშაო ძალის შექმნა და ადგილობრივი ინფრასტრუქტურის განვითარება.
„ანაკლიის განვითარების კონსორციუმის“ (ACD) შესახებ: ADC-ი არის კონსორციუმი, რომელიც ქართულმა თიბისი ჯგუფმა და ამერიკულმა კონტი ჯგუფმა დააფუძნეს, საქართველოს მთავრობასთან დადებული საინვესტიციო ხელშეკრულების მიხედვთ, ანაკლიის ღრმაწყლოვანი პორტის მშენებლობას და განვითარებას ახორციელებს. „ანაკლიის განვითარების კონსორციუმის“ ხედვა, ანაკლიის პორტის საერთაშორისო კლასის კომპლექსად ჩამოყალიბება და მის უმნიშვნელოვანეს სავაჭრო წერტილად გადაქცევაა, როგორც ცენტრალურ აზიასთან, ასევე ახალი აბრეშუმის გზის სავაჭრო გზაზე, ევროპასა და აზიას შორის. „ანაკლიის განვითარების კონსორციუმი“ მიზნად ისახავს ანაკლიაში საპორტო ინფრასტრუქტურის განვითარებას, ხარჯების შემცირებას, რომელიც ადგილობრივად და მთელ რეგიონში დამატებითი ეკონომიკური შესაძლებლობების წინაპირობაა. სოციალური კორპორაციული პასუხისმგებლობის ფარგლებში, ADC-ი მიზნად ისახავს ანაკლიისა და მიმდებარე სოფლების ეკონომიკური განვითარების ხელშეწყობას. დამატებითი ინფორმაციისთვის ეწვიეთ ვებ-გვერდს: www.anakliadevelopment.com
USAID-ის საქმიანობის შესახებ საქართველოში: უკანასკნელი 26 წლის განმავლობაში ამერილმა ხალხმა USAID-ის საშუალებით 1.8 მილიარდ აშშ დოლარზე მეტი თანხის ინვესტიცია განახორციელა საქართველოში. პროექტები, რომელთა მიზანია დახმარება გაუწიოს საქართველოს თავისუფალი და განვითარებული დემოკრატიის მშენებლობაში, მოიცავს შემდეგ მიმართულებებს: ეკონომიკური ზრდის ხელშეწყობა, დემოკრატიული ინსტიტუტების განვითარება და ჯანდაცვისა და განათლების სისტემების გაუმჯობესება. USAID-ი ეკონომიკურ და ჰუმანიტარულ დახმარებას უწევს 100-ზე მეტ ქვეყანას. დამატებითი ინფორმაციისათვის ეწვიეთ: www.usaid.gov/georgia
USAID-ის მიერ დაფინანსებული პროექტი ზრდა, არის ხუთწლიანი პროგრამა, რომელიც მიზნად ისახავს მდგრადი ეკონომიკური განვითარების ხელშეწყობას საქართველოს ხუთი რეგიონის 81 თემში. ზემოაღნიშნულის მისაღწევად, პროექტი განახორციელებს შემდეგ ინიციატივებს: მიკრო, მცირე და საშუალო საწარმოების განვითარება; სოფლის მეურნეობის შემოსავლების ზრდის ხელშეწყობა; მეწარმეებსა და მყიდველებს შორის საბაზრო ურთიერთობების ჩამოყალიბება და განვითარება; ადგილობრივი ეკონომიკური განვითარების ხელშეწყობა ბიზნესკავშირების დამყარებისა და გაძლიერების მეშვეობით. პროექტი მოიცავს ადმინისტრაციული საზღვრისპირა და ეთნიკური უმცირესობებით დასახლებული თემებს. პროექტის განხორციელების შედეგად სამიზნე თემებში შეიქმნება სამუშაო ადგილები, ოჯახებს გაეზრდებათ შემოსავლები და მნიშვნელოვნად გაძლიერდება ადგილობრივი მოსახლეობის ეკონომიკური მდგომარეობა. დამატებითი ინფორმაციისათვის ეწვიეთ: www.facebook.com/zrda.ge; www.zrda.ge
სსიპ საზოგადოებრივი კოლეჯი „ახალი ტალღა“ ავტორიზებული საგანმანათლებლო დაწესებულებაა, რომლის მიზანია მოამზადოს ადგილობრივი და საერთაშორისო ბაზრის მოთხოვნების შესაბამისი, მაღალკვალიფიციური და მოთხოვნადი კადრები. მუდმივი განვითარების გზით შეინარჩუნოს ლიდერობა მრავალფეროვანი პროგრამებისა და სწავლების მაღალი სტანდარტების დანერგვის, აგრეთვე კერძო და საჯარო პარტნიორებთან თანამშრომლობის კუთხით. საზოგადოებრივი კოლეჯის მისიაა წვლილი შეიტანოს ქვეყნის ეკონომიკის განვითარებასა და საზოგადოებრივი კეთილდღეობის ზრდაში შრომის ბაზრის და კოლეჯის პროფილის შესაბამისად კონკურენტუნარიანი კადრების მომზადების გზით. დამატებითი ინფორმაციისათვის ეწვიეთ: www.kpc.ge
