ივა ყურშუბაძის საქმეზე გამოძიება დაიწყო. შინაგან საქმეთა სამინისტროს ინფორმაციით, გამოძიება სისხლის სამართლის იმ მუხლით მიმდინარეობას, რაც მუქარას გულისხმობს. ივა ყურშუბაძემ პროკურატურას გუშინ მიმართა.
ბებიას უთხრეს, რომ გეი ვარ და მომკლავენ – ამბობს ივა ყურშუბაძე. მისივე თქმით, სოფელ ჩაისუბანში ოჯახის ახლობლებისგან და ნათესავებისგან მუქარა მას შემდეგ დაიწყო, როცა ივამ 17 მაისს გადაცემა „ჰეშთეგში“ მონაწილეობა მიიღო, სადაც ის ჰომოფობიის წინააღმდეგ ბრძოლასა და თანასწორობაზე საუბრობდა. ივას სოციალურ ქსელშიც ემუქრებიან.
სისხლის სამართლის კოდექსის მიხედვით, მუქარა ისჯება ჯარიმით ან საზოგადოებისათვის სასარგებლო შრომით 120-დან 180 საათამდე, ან გამასწორებელი სამუშაოთი ვადით ერთ წლამდე, ან შინაპატიმრობით ექვსი თვიდან ორ წლამდე, ან თავისუფლების აღკვეთით ვადით ერთ წლამდე.
