მთავარი,სიახლეები

„თვითონ შეიჩერა სტატუსი“ – ბსუ სექსუალურ შევიწროებაში დადანაშაულებულ ლექტორზე

22.05.2019 • 2678
„თვითონ შეიჩერა სტატუსი“ – ბსუ სექსუალურ შევიწროებაში დადანაშაულებულ ლექტორზე

ბათუმის შოთა რუსთაველის სახელმწიფო უნივერსიტეტის ლექტორს, რომელსაც სტუდენტი სექსუალურ შევიწროებაში ადანაშაულებს, უნივერსიტეტმა ლექტორის სტატუსი დროებით შეუჩერა.

ბსუ-ს რექტორის, მერაბ ხალვაშის განცხადებით, თუ სასამართლო გაამართლებს ლექტორს, უნივერსიტეტი მას აღუდგენს განაცდური ლექციებს, კუთვნილ ხელფასს და სტატუსს.

„ეთიკის საბჭო იქნება დამოკიდებული სასამართლოს გადაწყვეტილებაზე, კანონის ზემოთ ეთიკის საბჭო არ დგას“, – აცხადებს მერაბ ხალვაში.

ეთიკის საბჭო რექტორის განცხადების საფუძველზე უნივერსიტეტში დღეს იკრიბება. სტუდენტმა ლექტორის მხრიდან შევიწროების ფაქტის შესახებ უნივერსიტეტის ადმინისტრაციას ოფიციალური განცხადებით დღეს მიმართა.

უნივერსიტეტის ეთიკის კომისია დღესვე დაიწყებს საკითხის შესწავლას, თუმცა არ არსებობს დადგენილი ვადები, რომლის ფარგლებშიც კომისიამ საქმის შესწავლა უნდა შეძლოს.  უცნობია, რამდენ ხანს გაგრძელდება მათ მიერ საქმის მოკვლევა.

„პირველ ეტაპზე ლექტორმა შეიჩერა თვითონ სტატუსი, რომ არ გამოჩენილიყო, ვიდრე ეს ამბავი ასე ტრიალებს. ერთობლივად შევთანხმდით – ადმინისტრაცია და ლექტორი. გადავწყვიტეთ, ამ ეტაპზე განრიდებოდა პროცესებს და დალოდებოდა საქმის ოფიციალურ მსვლელობას.

საქმეს შესწავლა და სასამართლოს მიერ კომპეტენტური გადაწყვეტილების მიღება სჭირდება.

დროებით სალექციო კურსის შეჩერება არ ნიშნავს ლექტორის უნივერსიტეტიდან დათხოვნას. თუ მას სასამართლო გაამართლებს, ის უნივერსიტეტში დაბრუნდება და სტუდენტს მოუწევს თავის მართლება ცილისწამების გამო და პასუხისმგებლობის აღება“, – ამბობს იურიდიული ფაკულტეტის დეკანი ლევან ჯაყელი.

„თამამი სელფი გამომიგზავნე“ – სტუდენტი ბსუ-ს ლექტორს სექსუალურ შევიწროებაში ადანაშაულებს

გადაბეჭდვის წესი


ასევე: