მთავარი,სიახლეები,სპორტი

ბათუმის დინამომ თბილისის დინამოს მოუგო ანგარიშით 3:2

11.05.2019 • 3643
ბათუმის დინამომ თბილისის დინამოს მოუგო ანგარიშით 3:2

დღეს, 11 მაისს, ბათუმში, ანგისის სტადიონზე გამართულ მატჩში 5 გოლი გავიდა. ხუთივე გოლი ბათუმის დინამოს ფეხბურთელებმა გაიტანეს. სამი სტუმრის კარში, ორიც კი საკუთარში. თამაშის დასასრულს ტაბლოზე 3:2 ანგარიში დაფიქსირდა.

თამაშის დაწყებიდან 22-ე წუთზე თბილისის “დინამოს” ფეხბურთელმა თამაშის წესები დაარღვია, რის შემდეგაც თბილისის დინამოს კარში პენალტი დაინიშნა. პენალტი ბათუმის “დინამოს” კაპიტანმა ვაკო თევდორაძემ შეასრულა და მატჩის დაწყებიდან 23-ე წუთზე ანგარიში 1:0 გახდა ბათუმელთა სასარგებლოდ.

მეორე გოლი მალევე, 35-ე წუთზე, ლაშა ჩალაძემ გაიტანა და ბათუმის დინამომ ორ ბურთიანი უპირატესობა მოიპოვა. ეს ჩალაძისთვის პირველი გოლი იყო რომელიც ბათუმის დინამოს შემადგენლობაში გაიტანა.

მატჩის მიმდინარეობისას მეორმოცე წუთზე სტადიონზე მოულოდნელად სარწყავი სისტემა ჩაირთო, თუმცა ხარვეზი მალევე აღმოიფხვრა. პირველი ტაიმი ბათუმელთა უპირეტესობით 2:0 დასრულდა.

ბათუმის დინამო VS თბილისის დინამო
ფოტო: გიორგი ვარშანიძე

მატჩი ანგისის საწვრთნელ ბაზაზე მიმდინარეობდა. მოედნის სიმცირის გამო გულშემატკივარი თამაშს ღობის გარედან უყურებდა ფოტო: გიორგი ვარშანიძე

მეორე ტაიმის დასაწყისშივე, არბიტრმა თბილისის დინამოს კარში მეორე პენალტი დანიშნა. თუმცა მოგვიანებით პენალტი გაუქმდა და თამაში ჩვეულებრივ გაგრძელდა. თამაშის 74-ე წუთზე ბათუმის დინამოს ფეხბურთელმა საკუთარ კარში ავტოგოლი გაიტანა და ანგარიში 2:1 გახდა. 85-ე წუთზე ბათუმის დინამოს კარში მეორე ავტოგოლი გავიდა.

დამატებით დროში, თორნიკე გაფრინდაშვილმა მატჩის ბედი გადაწყვიტა. მის მიერ გატანილი გოლით ბათუმის დინამომ მოგება შეძლო.

ფოტო: გიორგი ვარშანიძე

ფოტო: გიორგი ვარშანიძე

 

 

გადაბეჭდვის წესი


ასევე: