გაერთიანებული ოპოზიციის წევრი ჯელალ ქიქავა სასამართლოში გადაჰყავთ. ახლა იგი პოლიციის განყოფილებაში გამოკითხვაზე იმყოფება.
შინაგან საქმეთა სამინისტროს ინფორმაციით, ჯელალ ქიქავამ სიტყვიერი შეურაცხყოფა ბათუმის მერიის შენობაში დაცვის პოლიციელს მიაყენა. ჯელალ ქიქავას წინააღმდეგ პოლიციელებმა ადმინისტრაციული სამართალდარვევის ოქმი შეადგინეს დაუმორჩილებლობის და წვრილმანი ხულიგნობის მუხლების დარღვევის გამო.
ჯელალ ქიქავა დღეს, 22 აპრილს, ბათუმის მერიაში მივიდა და ისევ მოითხოვა საჯარო ინფორმაცია მუნიციპალური შპს „ბათუმის წყალთან“ დაკავშირებით. ამ ინფორმაციის მიუღებლობა კამათის საგანი გახდა საკრებულოს წინა სხდომაზეც, რომელიც 12 აპრილს გაიმართა.
