Batumelebi | 8 წლით პატიმრობა ვალუტის ჯიხურის დაყაჩაღებისთვის 8 წლით პატიმრობა ვალუტის ჯიხურის დაყაჩაღებისთვის – Batumelebi
RU | GE  

8 წლით პატიმრობა ვალუტის ჯიხურის დაყაჩაღებისთვის

ბათუმის საქალაქო სასამართლომ 8 წლით თავისუფლების აღკვეთა შეუფარდა გ.-მ.-ს. ის „პისტოლეტის მსგავსი საგნით“ ჯიხურიდან 10 693 ლარის ოდენობის სხვადასხვა ვალუტის წაღებას ცდილობდა, როცა დააკავეს.
საუბარია 2018 წლის 4 მაისს მომხდარ შემთხვევაზე – „ხოფის ბაზრობის“ შესასვლელთან სავალუტო ჯიხური „თაიმის“ დაყაჩაღება სცადეს. მაშინ შინაგან საქმეთა სამინისტრომ განაცხადა, რომ ბრალდებული ჯიხურთან, „ცხელ კვალზე“ დააკავეს. თვითმხილველების თქმით კი, ბრალდებული იქვე მყოფმა მოქალაქემ, თავდაცვის სამინისტროს თანამშრომელმა დააკავა.
პროკურატურის ინფორმაციით, მსჯავრდებული წარსულში ძარცვისთვის იყო ნასამართლევი.
ნეტგაზეთის მასალების სხვა გამოცემებში გადაბეჭდვის წესი
ავტორი