ბათუმში კიდევ სამი მაღაზიის გაქურდვა სცადეს – ბრალდებული არასრულწლოვანია


გუშინ ღამით ბათუმში, მ. აბაშიძის ქუჩაზე, სათამაშოების ორი მაღაზიის – “პეპელასა” და “XS სათამაშოების” გაქურდვა სცადეს. ქურდობის მცდელობა იყო წიგნების მაღაზია “ბიბლუსშიც”.

ინფორმაციას შსს-ში ადასტურებენ და ამბობენ, რომ განცხადება დანაშაულის შესახებ მათთან დღეს დილით შევიდა. გამოძიება 177-ე, ქურდობის მუხლით არის დაწყებული. დადგენილია სავარაუდო დამნაშავე, იგი არასრულწლოვანია.

შსს-ში ამბობენ, რომ მაღაზიებიდან არაფერია წაღებული.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან