საქართველოს დამოუკიდებლობის აღდგენის რეფერენდუმი და ზვიად გამსახურდიას იუბილე ბათუმში 


დღეს, 31 მარტს, ბათუმში საქართველოს დამოუკიდებლობის აღდგენის რეფერენდუმის დღე და ზვიად გამსახურდიას 80 წლის იუბილე რამდენიმე ღონისძიებით აღინიშნა.

ბათუმის საჯარო ბიბლიოთეკაში გაიმართა ისტორიული კადრების ჩვენება და ფოტო და დოკუმენტური მასალის გამოფენა. ჩატარდა საქართველოს დამოუკიდებლობის აღდგენისადმი მიძღვნილი საჯარო ლექცია. ღონისძიებას ესწრებოდნენ: აჭარის მთავრობის თავმჯდომარე თორნიკე რიჟვაძე, ბათუმის მერი ლაშა კომახიძე, მინისტრები, დეპუტატები, ახალგაზრდები და ქალაქის საზოგადოების წარმომადგენლები.

ზვიად გამსახურდიას დაბადებიდან 80 წლისთავისადმი მიძღვნილი ღონისძიება გაიმართა ხარიტონ ახვლედიანის სახელობის მუზეუმშიც, სადაც გამოფენილი იყო მუზეუმში დაცული იმ პერიოდის პოლიტიკური ცხოვრების ამსახველი ექსპონატები, საარჩევნო პლაკატები, გაზეთები და ფოტომასალა, ასევე 1918 წლისა და 1991 წლის დამოუკიდებლობის აქტები.

ზვიად გამსახურდია და საქართველოს დამოუკიდებლობის აღდგენის რეფერენდუმი გაიხსენეს დღეს ეროვნული მოძრაობის წარმომადგენლებმაც.

ფოტო: აჭარის მთავრობა

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.