ალიანს სიტი – ახალი ტრენდი დეველოპმენტში


„ალიანს ჯგუფი“, ლიდერი სამშენებლო-დეველოპერული კომპანია საქართველოში, ბათუმში ახალ უპრეცედენტო ენერგოეფექტურ პროექტს განავითარებს. პრემიუმკლასის ბრენდული საერთაშორისო სასტუმროებისა და აპარტოტელების შემდეგ, კომპანია აჭარის რეგიონში პირველი საერთაშორისო სტანდარტების სავაჭრო ცენტრს და A კლასის საოფისე ფართობებს ააშენებს.

„ალიანს სიტის“ მულტიფუნქციური კომპლექსის პროექტის განვითარება 20 ათას კვ.მ-ზე იგეგმება, ტერიტორიაზე, სადაც დღეს ე.წ „ლუჟკოვის სახლი“ მდებარეობს, სახლი, რომელიც ორი ათეული წელია მიტოვებულია, ზიანს აყენებს ქალაქის იერსახესა და ეკოლოგიას. 13-სართულიანი უსახური შენობის ნაცვლად „ალიანს ჯგუფი“ 5-სართულიან რეკრეაციულ ინფრასტრუქტურას განავითარებს, რაც ჰაერის ნაკადისთვის 2.5-ჯერ ნაკლებ წინაღობას ნიშნავს. ენერგოეფექტურ კომპლექსში გამოყენებული იქნება ინოვაციური ტექნოლოგიები, რაც მაქსიმალურად შეამცირებს ენერგიის მოხმარებას, შესაბამისად, შემცირდება ნახშირორჟანგის  (CO2) გამოყოფა და გარემოში შენარჩუნდება სუფთა ჰაერი. ჯამში, „ალიანს სითი“ დაზოგავს დაახლოებით 60% ენერგიას, რაც წლის განმავლობაში დაახლოებით 6500 ტონით ნაკლები ნახშირორჟანგის გამოყოფის ტოლფასია. ამ რაოდენობის ნახშირორჟანგის კომპენსაციისთვის საჭიროა 32 000 ხე.

„ალიანს ჯგუფის“ მიმდინარე პროექტი ბათუმში

„ალიანს ჯგუფის“ მიმდინარე პროექტი ბათუმში

ენერგოეფექტური მშენებლობა განსაკუთრებულად მნიშვნელოვანია ტურისტულად აქტიურ ქალაქებში, სადაც მუდმივად ახალი დასასვენებელი კომპლექსები შენდება და სწორედ ასეთია ბათუმი. გასული საუკუნის ბოლოს აშენებული „ლუჟკოვის სახლი“ კი არ შეესაბამება იმ მოთხოვნებს, რომელიც თანამედროვე ბათუმს აქვს, შავიზღვისპირეთის საერთაშორისო კურორტს, ქალაქს, რომლის მოსახლეობაც მხოლოდ 180 ათასია და 2 მილიონამდე ტურისტს მასპინძლობს.

„ე.წ ლუჟკოვის სახლის პროექტი მაშინ დაიგეგმა, როცა ბათუმს არ ჰქონდა განვითარების ის დინამიკა, რაც 21-ე საუკუნეში აქვს. თანამედროვე საზღვაო ქალაქებისა და კურორტების გლობალური ტენდენცია კი არის საზოგადოებრივი დანიშნულების ობიექტების, სასტუმროების, გასართობი და დასასვენებელი კომპლექსების განლაგება პირველ ზოლში და არა საცხოვრებელი სახლების,” – აღნიშნავს აკაკი სონგულია, „ალიანს ჯგუფის“ გენერალური დირექტორი.

„ალიანს სითი“ ენერგოეფექტური საერთაშორისო სტანდარტების მულტიფუნქციური კომპლექსის განვითარებაში, რომელიც ბათუმისთვის სრულიად ახალ ინფრასტრუქტურას, მასშტაბურ სავაჭრო ცენტრს და A კლასის საოფისე ფართობებს, ასევე, საერთაშორისო ბრენდის სასტუმროს მოიცავს, დეველოპერი 350 მილიონ ლარს დახარჯავს.

„ალიანს ჯგუფის“ განხორციელებული პროექტი ბათუმში ბათუმში

„ალიანს ჯგუფის“ განხორციელებული პროექტი ბათუმში

„ალიანს სითის“ სრულიად შეცვლის და ახალ სტანდარტებს დანერგავს ბათუმის კომერციულ და საოფისე უძრავი ქონების ბაზარზე, ისევე როგორც „ალიანს ჯგუფის“ პრემიუმკლასის აპარტოტელებმა შემოიტანეს თამაშის ახალი წესები ადგილობრივ ბაზარზე და შედეგად ბათუმი ზღვისპირეთის საერთაშორისო კურორტად გარდაიქმნა,” – აცხადებს სონგულია.

“ალიანს სიტი და მასთან დაკავშირებული ე.წ. მინიქალაქის ინფრასტრუქტურა ქალაქის მაცხოვრებლებს და ტურისტებს თანამედროვე სტანდარტების მომსახურებას შესთავაზებს ერთ სივრცეში, იქნება ეს სავაჭრო, საოფისე თუ სასტუმრო მიმართულებით. “ალიანს სიტის” პროექტის მშენებლობის დასრულების შემდეგ, 2023 წლისთვის, თბილისის მსგავსად ბათუმსაც ექნება თავისი საერთაშორისო დონის სავაჭრო ცენტრი ბრენდული მაღაზიებით.

პროექტის მასშტაბურობიდან გამომდინარე სამუშაოების მიმდინარეობისას 1000-ზე მეტი ადგილობრივი კადრის დასაქმება მოხდება. ასევე აღსანიშნავია „ალიანს სიტის“ თანამედროვე ბიზნეს კლასის ინფრასტრუქტურა, რომელიც ბათუმელებისთვის მუდმივი სამუშაო ადგილების შექმნას უზრუნველყოფს.

„ალიანს ჯგუფის“ მიმდინარე პროექტი თბილისში

„ალიანს ჯგუფის“ მიმდინარე პროექტი თბილისში

„ალიანს ჯგუფის“ შესახებ

„ალიანს ჯგუფი“ პირველი სამშენებლო-დეველოპერული კომპანიაა,  რომელმაც ბათუმში თანამედროვე საცხოვრებელი კომპლექსი ააშენა 2005 წელს; პირველია, რომელმაც სასტუმრო-აპარტამენტის კონცეფცია დანერგა 2008-ში; და პირველი, რომელმაც საცხოვრებელი შენობები საერთაშორისო სასტუმრო ბრენდებთან დააკავშირა 2015-ში. აჭარის რეგიონში კომპანიას $200 მილიონზე მეტი აქვს დაბანდებული მსხვილმასშტაბიან, უკვე დასრულებულ პროექტებში. დამატებით $390 მილიონის ინვესტირება ხორციელდება მიმდინარე პროექტებში, რომლებიც მულტიფუნქციურ კომპლექსთა ფრანშიზებს მოიცავს, მათი განვითარება კი, თავის მხრივ, ხდება ისეთ განთქმულ საერთაშორისო სასტუმრო ქსელებთან პარტნიორობით, როგორებიცაა: Marriott International-ი და Wyndham Hotel Group-ი.

„ალიანს ჯგუფის“ მიმდინარე პროექტი გოდერძიზე

„ალიანს ჯგუფის“ მიმდინარე პროექტი გოდერძიზე

ნეტგაზეთის მასალების სხვა გამოცემებში გადაბეჭდვის წესი
ავტორი