მეხანძრე-მაშველებს 677 600 ლარის ფეხსაცმელი უყიდეს


საგანგებო სიტუაციების მართვის სამსახურმა 4 000 წყვილი სპეცფეხსაცმელი იტალიურ კომპანია GRISPORT-ისგან შეიძინა.

აღნიშნული სამსახურის ინფორმაციით, ახალი სპეცფეხსაცმლის ტექნიკური მონაცემები სრულიად შეესაბამება საერთაშორისო სტანდარტებს. ფეხსაცმელი 3 200 მეხანძრე-მაშველს დაურიგდება.

სპეცფეხსაცმელს ორწლიანი საექსპლუატაციო ვადა აქვს. მეხანძრე-მაშველებისთვის სპეცფეხსაცმლის შეძენისთვის სახელმწიფო ბიუჯეტიდან 677 600 ლარი დაიხარჯა.

საგანგებო სიტუაციების მართვის სამსახურის ცნობით, უახლოეს მომავალში მეხანძრე-მაშველები ახალ სპეცტანსაცმელსაც  მიიღებენ.

 

მთავარი ფოტო: საგანგებო სიტუაციების მართვის სამსახურის ფეისბუქგვერდიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com