საქართველო აგრძელებს საერთაშორისო საზღვაო წესებისა და სტანდარტების დანერგვას


თამარ ბერუჩაშვილი კიტაკ ლიმა

თამარ ბერუჩაშვილი კიტაკ ლიმა

საქართველო შეურთდა საერთაშორისო კონვენციას სატვირთო მარკის შესახებ (LL 1966 და მის 1988 წლის პროტოკოლს, რომელიც საერთაშორისო დონეზე არეგულირებს გემების სპეციალურ მარკირებას  (სატვირთო მარკას). სატვირთო მარკა ასახავს გემის წყალშიგს და გემის შესაძლო დატვირთვის მაქსიმალურად დასაშვებ ლიმიტს. ამ ლიმიტების დადგენით იზღუდება გემის წყალზედა ბორტი და განისაზღვრება გემის ზღვაოსნობაუნარიანობა.

პროტოკოლზე შეერთება სრულად გამომდინარეობდა საქართველოსა და ევროკავშირის ასოცირების შეთანხმებით გათვალისწინებულ ვალდებულებებიდან და საქართველოს დროშის ქვეშ მცურავ გემებზე ნაოსნობის უსაფრთხოს შეუწყობს ხელს.

შეერთების სიგელის დეპონირება მოახდინა დიდ ბრიტანეთსა და ჩრდილოეთ ირლანდიის გაერთიანებულ სამეფოში საქართველოს საგანგებო და სრულუფლებიანმა ელჩმა და საერთაშორისო საზღვაო ორგანიზაციაში საქართველოს მუდმივმა წარმომადგენელმა თამარ ბერუჩაშვილმა, სიგელი ჩაიბარა – საერთაშორისო საზღვაო ორგანიზაციის გენერალურმა მდივანმა კიტაკ ლიმმა.

სიგელის დეპონირების ცერემონიას ესწრებოდნენ საზღვაო ტრანსპორტის სააგენტოს დირექტორის მოადგილე ივანე აბაშიძე და საერთაშორისო საზღვაო ორგანიზაციაში საქართველოს ალტერნატიული წარმომადგენელი მერი ჩაკვეტაძე.

ნეტგაზეთის მასალების სხვა გამოცემებში გადაბეჭდვის წესი
ავტორი