28 მარტს მტირალას ეროვნულ პარკში ახალი ტურისტული ატრაქცია „თოკების პარკი“ გაიხსნება.
აჭარის ტურიზმისა და კურორტების დეპარტამენტის ცნობით, „თოკების პარკი“ ეკო-საგანმანათლებლო ატრაქციაა და განსხვავდება ზიპლაინისგან, რომლის საშუალებითაც ხიდან ხეზე დაშვებაა შესაძლებელი.
„თოკების პარკი წარმოადგენს წინაღობათა ჯგუფს, თოკებიდან, ხიდებიდან, ხის მორებიდან, ბადეებიდან და სხვა საგნებიდან, რომელიც სხვადასხვა სიმაღლეზეა დამონტაჟებული. სიგრძე სულ 209 მეტრია, არის ორი მარშრუტი – ბავშვებისთვის და უფროსებისთვის,“ – გვითხრეს მტირალას ეროვნულ პარკში.
რა ეღირება „თოკების პარკში“ შესვლა, მტირალას ეროვნული პარკის ადმინისტრაციაში ჯერ არ იციან.
_______________________________________________
მთავარ ფოტოზე: ზიპლაინი, ტურისტები მტირალას ეროვნულ პარკში. ფოტო: აჭარის ტურიზმისა და კურორტების დეპარტამენტი
