29 წლის მელანო ფუტკარაძის ახლობლებმა, რომელიც გუშინ, 22 მარტს, მწვავე აპენდიციტზე გაკეთებული ოპერაციის შედეგად გარდაიცვალა, ბათუმში ბაგრატიონის ქუჩა გადაკეტეს. გარდაცვლილის ახლობლები დღეს დილიდან მართავენ საპროტესტო აქციას და, როგორც თვითონ აცხადებენ, დამნაშავე ექიმის დასჯას ითხოვენ.
აქციის მონაწილეებთან გამოვიდა ერთ-ერთი პირი, რომელმაც თქვა, რომ რეფერალური საავადმყოფოს დირექტორია. მან აქციის მონაწილეებს შესთავაზა, რომ მათგან სამ პირს შეხვდება და დაელაპარაკება.
აქციის მონაწილეები დასთანხმდნენ დირექტორის შეთავაზებას, შესაბამისად, აქციის მონაწილეთა ორი წარმომადგენელი უკვე კლინიკაში იმყოფება. ამის მიუხედავად, აქციის მონაწილეებს ბაგრატიონის ქუჩა ისევ გადაკეტილი აქვთ.
ადგილზე მობილიზებულია პოლიცია, თუმცა მათი მოთხოვნის მიუხედავად, აქციის მონაწილეები გადაკეტილი ქუჩის გახსნაზე უარს აცხადებენ.
რეფერალურის წარმომადგენელი [მარჯვნივ] აქციის მონაწილეებთან შესახვედრად გამოვიდა
