მთავარი,სიახლეები

ბათუმში გარდაცვლილი 29 წლის გოგო დილით სახლიდან პროზექტურაში გადაასვენეს

23.03.2019 • 3500
ბათუმში გარდაცვლილი 29 წლის გოგო დილით სახლიდან პროზექტურაში გადაასვენეს

ბათუმში გარდაცვლილი 29 წლის გოგოს ცხედარს ექსპერტიზა ჩაუტარდა. ამის შესახებ „ბათუმელებს“ ნოდარ ქათამაძემ უთხრა, გარდაცვლილი მელანო ფუტკარაძის ბიძამ.

მელანო ფუტკარაძე მწვავე აპენდიციტის დიაგნოზით 21 მარტს ღამით ბათუმის „მედცენტრში“ გარდაიცვალა. ოჯახი ბრალს ბათუმის რეფერალურ ჰოსპიტალს სდებს, სადაც მელანო ფუტკარაძე თავდაპირველად მივიდა. გარდაცვლილის ოჯახის წევრებმა დღეს, 23 მარტს, რეფერალურ ჰოსპიტალთან საპროტესტო აქციაც გამართეს და ჰოსპიტლის მთავარი ექიმის სამსახურიდან გაშვება მოითხოვეს.

„თავიდან ექსპერტიზაზე უარს ვამბობდით, მაგრამ გუშინ დავთანხმდით… დღეს დილით გადაიყვანეს ცხედარი ექსპერტიზაზე. მონაცემები თბილისში გადაიგზავნა,“ – გვითხრა ნოდარ ქათამაძემ.

გამოძიება სისხლის სამართლის კოდექსის 116-ე მუხლის შესაბამისად გრძელდება, რაც გულისხმობს სიცოცხლის მოსპობას გაუფრთხილებლობით.

 

გადაბეჭდვის წესი


ასევე: