ცნობილი ადამიანები ლადო აფხაზავას მხარდაჭერას უცხადებენ [ვიდეო]

სამოქალაქო განათლების მასწავლებელი ლადო აფხაზავა მასწავლებლის გლობალური ჯილდოს ათეულშია. ის მარტის ბოლოს ქალაქ დუბაიში გაემგზავრება დაჯილდოების ცერემონიაზე. გლობალური ჯილდოს მფლობელ მასწავლებელს ერთი მილიონი დოლარი გადაეცემა საჩუქრად.

ლადო აფხაზავას წარმატებას უსურვებენ საქართველოში და მსოფლიოს სხვა ქვეყნებში მცხოვრები ცნობილი ადამიანები. მათ შორის მომღერალი ქეთი მელუა, რომელიც დიდ ბრიტანეთში ცხოვრობს.

https://www.facebook.com/tprize.ge/videos/345859429361637/

ლადო აფხაზავას ფინალში გასვლას ულოცავს მსოფლიოში აღიარებული ქართველი მეცო-სოპრანო ანიტა რაჭველიშვილი. „ჩვენ ძალიან გვეამაყები“ – ამბობს მომღერალი ვიდეომილოცვაში.

https://www.facebook.com/tprize.ge/videos/767307070335897/

გლობალური ჯილდოს ათეულში მოხვედრას ულოცავს ლადოს ცნობილი მორაგბე მამუკა გორგოძეც. „სულ მალე პირველი ადგილიც მომელოცოს“ – ამბობს ის.

https://www.facebook.com/tprize.ge/videos/2345710178781713/

წარმატებებს უსურვებს ლადო აფხაზავას ლუნდის უნივერსიტეტის (შვედეთი) პროფესორი, ღეროვანი უჯრედების ცენტრის დირექტორი ზალ კოკაია. „ეს დიდი სტიმულია ყველა იმ მასწავლებლისთვის ვინც დაუღალავად შრომობს“ – ამბობს ის.

https://www.facebook.com/tprize.ge/videos/355977121793940/

ასევე, ლადოს ულოცავს King’s College London-ის პროფესორი ქეთი ჭანტურია. „ეს არის შთამბეჭდავი გამარჯვება და სრულიად დამსახურებული მიღწევაა, რომლითაც უნდა ამაყობდეთ“ – ამბობს ის ვიდეომილოცვაში.

https://www.facebook.com/tprize.ge/videos/313384062673029/

ლადო აფხაზავას ფინალში მოხვედრას ულოცავენ „მასწავლებლის ეროვნული ჯილდოს“

https://www.facebook.com/tprize.ge/videos/254888738751954/

და გლობალური ჯილდოს წარმომადგენლებიც.

https://www.facebook.com/tprize.ge/videos/786862908358950/

ლადო აფხაზავა ლანჩხუთის მუნიციპალიტეტის სოფელ ჩიბათის საჯარო სკოლაში ასწავლის, ის მასწავლებლის ეროვნულ ჯილდოზე 2017 წელს წარადგინეს, სადაც გაიმარჯვა კიდეც. მიმდინარე წელს კი ლადო აფხაზავა მასწავლებლის გლობალური ჯილდოს ფინალშია.

ამავე თემაზე:

რაზე ისაუბრა ლადო აფხაზავამ ბათუმში გამართულ შეხვედრაზე