ბათუმის ნავსადგურში ორი თურქული გემი შემოვა


6-8 მარტს ბათუმის ნავსადგურში ორი თურქული სამხედრო გემი, TCG FATİH-ი და TCG KILIÇ-ი  შემოვა.

გემები ბათუმში სამხედრო საზღვაო წვრთნების – „ცისფერი სამშობლო 2019“-ის ფარგლებში შემოვლენ. სამხედრო საზღვაო წვრთნები 27 თებერვლიდან 8 მარტის ჩათვლით შავი ზღვის, ეგეოსისა და აღმოსავლეთ ხმელთაშუა ზღვის ტერიტორიულ წყლებში მიმდინარეობს და მასში სულ 103 გემი მონაწილეობს.

6 მარტს,  10:30 საათზე, ბათუმის ნავსადგურში გემების დახვედრის ცერემონია გაიმართება. გემების დათვალიერება ვიზიტორებს 6 მარტს – 14:00-16:00 საათზე და 7 მარტს 10:00-12:00 საათზე შეეძლებათ.

ვიზიტის დასრულების შემდეგ საქართველოს სანაპირო დაცვის გემების მონაწილეობით ერთობლივი წვრთნები გაიმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.