კონკურსი აჭარაში ფილმების გადასაღებად


აჭარაში ფილმების გადასაღებად საგრანტო კონკურსი გამოცხადდა. კონკურსი მიმდინარეობს როგორც  სრულმეტრაჟიანი და მოკლემეტრაჟიანი მხატვრული ფილმების, ისე დოკუმენტური კინოს გადასაღებად.

სრულმეტრაჟიანი მხატვრული ფილმის გადასაღებად ერთ კინომწარმოებელზე  80 000 ლარი გაიცემა. დაფინანსების მოთხოვნა მხოლოდ ისეთი კინოპროექტისთვის არის შესაძლებელი,  რომელსაც უკვე მოპოვებული აქვს ალტერნატიული დაფინანსება – ფილმის სრული ბიუჯეტის  50 პროცენტი.

რაც შეეხება მოკლემეტრაჟიან მხატვრულ  და დოკუმენტურ ფილმებს, ერთ კინომწარმოებელზე 25 000-მდე ლარია გათვალისწინებული. დაფინანსების მოთხოვნა კი შესაძლებელია კინოპროექტისთვის, რომელსაც უკვე მოპოვებული აქვს ალტერნატიული დაფინანსება – ფილმის სრული ბიუჯეტის არანაკლებ 30%.

კონკურსში მონაწილეობისათვის განაცხადების მიღება მიმდინარე წლის 20 მარტის ჩათვლით გაგრძელდება.

საგრანტო დაფინანსებას აჭარის განათლების, კულტურისა და სპორტის სამინისტრო ქვეპროგრამის აჭარაში კინოხელოვნების განვითარების ხელშეწყობა’’– ფარგლებში გასცემს. კონკურსის მთავარი პირობაა, რომ სამინისტროსგან მოთხოვნილი თანხა 2019 წლის 15 დეკემბრამდე  სრულად უნდა  დაიხარჯოს აჭარის რეგიონში.

მთავარი ფოტო: კადრი დოკუმენტური ფილმის “ჯარას” გადასაღები მოედნიდან

ნეტგაზეთის მასალების სხვა გამოცემებში გადაბეჭდვის წესი
ავტორი